Vegna samkomubanns á Íslandi sökum COVID-19 mun engin kennsla fara fram í húsnæði Keilis frá og með miðnætti 16. mars. Vegna þessa mun öll kennsla á Háskólabrú færast yfir í fjarnám og vinnulotur fyrir fjarnema verða aðeins sendar út í fjarfundi í gegnum Microsoft Teams.

Háskólabrú Keilis brautskráði samtals 56 nemendur úr öllum deildum. Með útskriftinni hafa samtals 1.911 nemendur útskrifast úr Háskólabrú Keili frá fyrstu útskrift skólans árið 2008 og hafa lang flestir þeirra haldið áfram í háskólanám bæði hérlendis og erlendis.

Skólasetning í fjarnámi Háskólabrúar með vinnu verður fimmtudaginn 9. janúar 2020 í aðalbyggingu Keilis, Grænásbraut 910 á Ásbrú í Reykjanesbæ.

Ríflega 30% félagsmanna SFR hafa ekki lokið formlegu prófi úr framhaldsskóla. Til að koma til móts við þennan hóp og gefa þeim færi á að ljúka lokaprófi á framhaldsskólastigi leitaði Fræðslusetrið starfsmennt eftir samstarfi við Keili um framkvæmd raunfærnimats á móti námskrá Háskólabrúar með það að markmiði að þátttakendur geti stytt sér leiðina til lokaprófs af Háskólabrú Keilis.

Keilir brautskráði fimmtán nemendur af Verk- og raunvísindadeild Háskólabrúar við hátíðlega athöfn á Ásbrú föstudaginn 16. ágúst. Með útskriftinni hafa alls 153 nemendur lokið Háskólabrú á þessu ári og samtals rétt tæplega 2.000 nemendur frá fyrstu brautskráningu Háskólabrúar Keilis árið 2008.

Skólasetning og nýnemadagur Háskólabrúar Keilis fór fram í aðalbyggingu Keilis á Ásbrú í Reykjanesbæ fimmtudaginn 15. ágúst, en samtals munu um 150 nemendur hefja námið á haustönn 2019.

Útskrift nemenda af Verk- og raunvísindadeild Háskólabrúar Keilis fer fram í aðalbyggingu Keilis á Ásbrú föstudaginn 16. ágúst næstkomandi.

Skólasetning í staðnámi og fjarnámi Háskólabrúar fer fram fimmtudaginn 15. ágúst 2019 kl. 10:00 í aðalbyggingu Keilis á Ásbrú í Reykjanesbæ.

Háskólabrú Keilis brautskráði 93 nemendur úr þremur deildum skólans föstudaginn 14. júní síðastliðinn. Eftir útskriftina hafa yfir 138 nemendur Háskólabrúar lokið námi það sem af er ársins, en í ágúst bætist auk þess við útskritarhópur úr Verk- og raunvísindadeild skólans.

Heimir Heimisson, nemandi á Háskólabrú Keilis, flutti ræðu útskriftarnema við brautskráningu nemenda föstudaginn 18. janúar 2019. Hann gaf okkur góðfúslegt leyfi til að birta ræðuna sína. Við þökkum Heimi fyrir og óskum honum velfarnaðar.