Fara í efni

Þjónustuborð

Þjónustuborð Keilis er jafnan fyrsti viðkomustaður nemenda þegar þeir koma að skrifstofu Keilis.

Við þjónustuborð er m.a. hægt að:

  • Panta áfangavottorð og námsferil
  • Panta staðfestingu um skólavist
  • Fá kvittanir fyrir skólagjöldum
  • Sækja um aðgangskubb og nemendaskírteini

Þjónustufulltrúi kappkostar við að veita nemendum sem besta þjónustu, sé erindið ekki á höndum hans vísar hann veginn að viðeigandi starfsmanni sem tekur erindið áfram til úrlausnar. Hægt er að hafa samband í tölvupósti til þess að sækja um áfangavottorð, staðfestingar og kvittanir.

Hafa samband

Opnunartími

Þjónustuborð Keilis er opið sem hér segir:

  • Mánudag til fimmtudags: 08:30 - 12:00 og 13:00 - 15:00
  • Föstudaga: 08:30 - 12:00
  • Lokað um helgar

Húsnæði Keilis

  • kl. 07:45 - 16:00 alla virka daga
  • Utan opnunartíma er hægt að komast inn í skólann með sérstökum aðgangskubbi sem nemendur Keilis geta keypt sér.

Nemendaskírteini

Allir nemendur Keilis geta fengið nemendaskírteini sér að kostnaðarlausu á skrifstofu skólans. Tapist skírteinið og þarfnast endurútgjafar fylgir því gjald. Nemandi sendir andlitsmynd á þjónustuborð og óskar eftir skírteini, gefur upp nafn og kennitölu og í hvaða námi hann er.

Starfsfólk Keilis og handhafar nemendaskírteina fá afslátt hjá verslunum, þjónustu og veitingastöðum.

Afslættir með nemendaskírteininu

Aðgangskubbur

Nemendur Keilis geta sótt aðgangskubb við þjónustuborð Keilis. Með aðgangskubbinum geta nemendur fengið aðgang að aðalbyggingu Keilis utan opnunartíma.

Verðskrá

AÐGANGUR AÐ HÚSNÆÐI UTAN OPNUNARTÍMA

Utan opnunartíma er hægt að komast inn í skólann með aðgangskubbinum. Skólinn er lokaður um helgar en hægt er að komast inn með aðgangskubbi frá kl. 07:15 - 22:45. Handhafi aðgangskubbs er ábyrgur fyrir umgengni og er óheimilt að taka með sér gesti. Ef nemandi verður valdur að útkalli öryggisþjónustu er hann ábyrgur fyrir kostnaði sem því fylgir. Öryggiskerfi hússins fer í gang alla daga vikunnar kl. 23:00 og þá verður húsið að vera mannlaust, öll umgengni eftir þann tíma ræsir kerfið.

Athugið að húsnæði Keilis er vaktað með öryggismyndavélum.

Ábendingar og aðstoð

Er eitthvað bilað, vantar þig aðstoð, viltu koma með ábendingu, kvörtun, hrós? Keilir starfar á nokkrum stöðum og því getur verið erfitt að fylgjast með þegar eitthvað er bilað eða fer úrskeiðis. Jafnframt viljum við leggja okkur fram við að bæta þjónustuna og aðstöðuna. Við tökum því fagnandi að fá ábendingar frá nemendum um allt milli himins og jarðar.