Skólar Keilis bjóða upp á fjölbreytt tækifæri til menntunar sem laga sig að þörfum og kröfum nútíma nemenda. Skólarnir eru fjórir, Háskólabrú sem miðar að því að undirbúa nemendur fyrir háskólanám. Flugakademía Íslands býður upp á ýmiskonar flugmenntun s.s. atvinnuflugmannsnám, einkaflugmannsnám og flugkennaranám. Heilsuakademían menntar einka- og styrktarþjálfara, fótaaðgerðafræðinga, sem og þá sem vantar undirbúning fyrir inntökupróf í læknisfræði og sjúkraþjálfunarfræði. Þar að auki heyrir Vinnuverndarskóli Íslands sem býður fjölbreytt úrval vinnuverndarnámskeiða undir Heilsuakademíu. Menntaskólinn á Ásbrú, þar sem hægt er að ganga á stúdentsbraut með áherslu á tölvuleikjagerð sem og sækja opna framhaldsskólaáfanga.

Mikið er unnið í teymisvinnu og hópverkefnum við Keilir. Kennarar og aðrir starfsmenn eru áhugasamir um að nýta upplýsingatækni og tækninýjungar við kennslu sem miðar að því að gera nemendur að virkum þátttakendum í kennslu, ekki síður en náminu sjálfu. Allt nám fer fram í vendinámi og hefur skólinn löngum verið leiðandi afl á því sviði.