Fara í efni

Háskólabrú með undirbúningi

Háskólabrú með undirbúningi er fyrir þá sem vantar eitthvað uppá inntökuskilyrðin á Háskólabrú. Þannig er t.d. hægt að sækja undirbúningsáfanga í fjarnámi áður en önn hefst og hefja nám á Háskólabrú í staðnámi, fjarnámi eða með vinnu að undirbúningi loknum.

Undanfarar háskólanáms

Beint í Háskólabrú

Þú kemst beint í nám á Háskólabrú ef þú ert 23 ára og hefur lokið 70 einingum (117 framhaldsskólaeiningum samkvæmt nýja einingakerfinu) á framhaldsskólastigi. Þar af þurfa umsækjendur að hafa lokið að minnsta kosti 6 einingum (10 feiningum) í hverju af grunnfögunum þremur, þ.e. stærðfræði, íslensku og ensku. Umsækjendur eiga möguleika á að fá starfsreynslu sína metna til eininga að hluta upp í þær lágmarkseiningar sem krafist er.

Háskólabrú með undirbúningi

Þú getur tekið allt að 20 framhaldsskólaeiningar á Fjarnámshlaðborði MÁ. Ef þú hefur lokið að minnsta kosti 97 framhaldsskólaeiningum getur þú tekið 1-4 undirbúningsáfanga áður en nám hefst að hausti eða vori og skráð þig í Háskólabrú í framhaldinu.

Fyrst í Menntastoðir

Ef þú hefur lokið fáum framhaldsskólaeiningum byrjar vegferðin þín í Menntastoðum sem margar símenntunarmiðstöðvar bjóða uppá. Hægt er að sækja námið í fjarnámi og tekur það 1-2 annir eftir námshraða. Að Menntastoðum loknum getur þú sótt um í Háskólabrú Keilis.

Fjarnámshlaðborð MÁ

Nemendur geta valið úr fjölda áfanga á Fjarnámshlaðborði Menntaskólans á Ásbrú og er hægt að taka staka áfanga allt eftir því hversu margar einingar vantar upp á. Áfangarnir henta vel öllum þeim sem þurfa að uppfylla ákveðnar forkröfur til náms innan annarra deilda Keilis. Áfangarnir eru einungis kenndir í fjarnámi og geta nemendur skráð sig og byrjað hvenær sem þeim hentar.

Yfirlit yfir áfanga Fjarnámshlaðborðsins

Finnum réttu leiðina fyrir þig

Sendu inn umsókn í nám á Háskólabrú og byrjaðu að undirbúa þig fyrir námið strax í dag eða hafðu samband við okkur og við finnum réttu leiðina fyrir þig.

Hafa samband

Sækja um á Háskólabrú Hafa samband