Háskólabrú | Keilir

Þá sem vantar allt að 20 framhaldsskólaeiningar til að hefja nám á Háskólabrú Keilis stendur til boða að taka Háskólabrú með undirbúningsáföngum. Þannig er hægt að sækja undirbúningsáfanga í fjarnámi í sumar og hefja nám á Háskólabrú í framhaldinu. Frekari upplýsingar

Keilir býður upp á aðfaranám að háskólanámi í fjarnámi til tveggja ára. Um er að ræða frábæran möguleika fyrir þá sem að vilja taka Háskólabrú með vinnu eða vilja taka sér lengri tíma í námið. Námið fer þó fram á hálfum hraða og hentar þessi valkostur því mörgum. Frekari upplýsingar

Fjarnám getur hentað þeim sem að vilja nýta sér nýjustu tækni í kennslu og haga sínum námstíma eftir þörf í tíma og rúmi. Þannig geta nemendur hlustað á fyrirlestra, fylgst með hvernig stærðfræðidæmi eru reiknuð, lagt málefnum lið á spjallþráðum og spurt spurninga. Hægt er að hefja nám á Háskólabrú í fjarnámi tvisvar á ári, annars vegar í janúar og hins vegar í ágúst ár hvert. Nám á Háskólabrú getur tekið allt frá ári upp í rúmlega tvö ár, það fer allt eftir því hvaða leið nemendur velja að fara. Nánari upplýsingar

Staðnám á Háskólabrú hefst í ágúst ár hvert. Nám á Háskólabrú getur tekið allt frá ári upp í rúmlega tvö ár, það fer allt eftir því hvaða leið nemendur velja. Í kennslustofu vinna nemendur verkefni, oftast saman í hóp, og kennarar aðstoða eftir þörfum við úrlausnir. Kennsluhættir á Háskólabrú miða við þarfir fullorðinna nemenda, miklar kröfur eru gerðar um sjálfstæði í vinnubrögðum og eru raunhæf verkefni lögð fyrir. Frekari upplýsingar