Þrír nemendur útskrifuðust frá MÁ föstudaginn 13.janúar 2023 og eru þá nemendur orðnir 25 sem útskrifast hafa úr MÁ.
Nemendurnir þrír stefna allir á háskólanám í framtíðinni. Einn þeirra er ákveðinn í að fara í tölvunarfræði og hinir eru að skoða ýmsa möguleika. Þeir eru sammála um að þeir völdu rétt þegar þeir hófu nám í MÁ. Covid hafði áhrif á hvernig náminu var háttað á tímabili en það reyndist fremur auðvelt að færa allt í fjarnám þegar samgöngubann var yfirvofandi á landinu öllu.
Útskriftin fór fram í Stapanum í Reykjanesbæ og var athöfnin hátíðleg. Ágúst Máni Jóelsson nýstúdent flutti ræðu fyrir hönd nemenda MÁ þar sem hann fór yfir veru þeirra í skólanum og þakkaði fyrir góðar stundir.
Starfsfólk MÁ þakkar þessum efnilegu nýstúdentum fyrir samveru og óskar þeim velfarnaðar í framtíðinni.