Vinnuverndarskóli Íslands og AÞ-þrif hafa í sameiningu mótað námskeið um hreinlæti og sóttvarnir á vinnustöðum. Námskeiðið er alfarið kennt í fjarnámi, það er stutt, einfalt og lýkur með krossaprófi. Námsefnið er samanstendur af fyrirlestrum og ítarefni með myndböndum.
Að námskeiði loknu ættu þátttakendur að:
- Þekkja leiðir til þess að bæta umgengni á vinnustað
- Skilja mikilvægi aukins hreinlætis
- Hafa að bera skilning á bakteríum og veirum
- Þekkja smitleiðir sjúkdóma
- Þekkja markmið og leiðir til sóttvarna
- Kunna að nota hanska og grímur á réttan hátt
- Kunna rétta framkvæmd handþvotts og vita hvers vegna hann er mikilvægur
Hver og einn fer í gegnum námið á sínum hraða en til þess að standast námskeiðið þarf að ljúka krossaprófi með einkunn upp á 8 að lágmarki. Námskeiðið tekur um klukkustund og aðalkennari þess er Guðný Birna Guðmundsdóttir hjúkrunarfræðingur.
Uppbygging námskeiðs:
- Kynning
- Umgengni á vinnustöðum
- Bakteríur og veirur
- Smitleiðir
- Grímur
- Handþvottur og hanskar
- Hreinlæti á vinnustöðum
- Sóttvarnir á vinnustöðum
Nánari upplýsingar og skráning
Þar sem námskeiðið er kennt í fjarnámi er hægt að hefja nám hvenær sem er og vinna á sínum hraða. Verð fyrir einstakling er 11.900 kr. en námskeiðið er fyrst og fremst hugsað fyrir hópa frá sama fyrirtæki. Boðið er upp á hópafslátt.
Nánari upplýsingar veitir Guðmundur Kjerúlf, forstöðumaður Vinnuverndarskóla Íslands.