Keilir býður nú uppá staðnám Háskólabrúar á Akureyri í samstarfi við Símey. Námið hefst í ágúst 2010.

Háskólabrú Keilis er samstarfsverkefni Keilis og Háskóla Íslands. Á Háskólabrú er boðið upp á aðfararnám fyrir einstaklinga sem ekki hafa lokið stúdentsprófi. Að loknu námi uppfylla nemendur inntökuskilyrði í háskóla hérlendis og erlendis og telst námið sambærilegt stúdentsprófi samkvæmt samningi Keilis, HÍ og menntamálaráðuneytisins. Markmiðið með náminu er að veita nemendum góðan undirbúning fyrir krefjandi háskólanám.