Frá og með hausti 2022 geta nemendur sem hafa lokið stúdentsprófi en vilja styrkja sig í raunvísindum stundað viðbótarnám hjá Háskólabrú Keilis í fjarnámi eða staðnámi. Þá getur námsleiðin einnig hentað nemendum sem hafa lokið aðfaranámi á Háskólabrú af félagsvísinda-, hugvísinda- eða viðskipta- og hagfræðideild.

Opið er fyrir umsóknir á Háskólabrú fyrir haustönn 2022. Mikil aðsókn hefur verið í Háskólabrú síðustu ár og hvetjum við áhugasama til þess að senda inn umsókn tímalega. Nám á Háskólabrú hefur gefið fjölda fólks nýtt tækifæri til náms og hafa flestir útskrifaðir nemendur hafið háskólanám að náminu loknu, við góðan orðstír.

Sóley Kristín Harðardóttir fékk erfiðara verkefni en margir í lífinu en með gríðarlegri þrautseigju og viljastyrk tókst henni að útskrifast með hæstu einkunn úr Háskólabrú núna í janúarmánuði. Hún hlaut 9,75 í meðaleinkunn sem er jafnframt næsthæsta einkunn í sögu Háskólabrúar og sú hæsta í sögunni af verk- og raunvísindadeild Háskólabrúar sem verður að teljast glæsilegur árangur.

Keilir, miðstöð vísinda, fræða og atvinnulífs hélt hátíðlega athöfn í Hljómahöll í síðustu viku í tilefni útskriftar frá Háskólabrú og Heilsuakademíu Keilis. Háskólabrú útskrifaði 58 nemendur og Heilsuakademía útskrifaði 11 nemendur úr fótaaðgerðafræði. Frá upphafi hafa nú samtals 4.221 einstaklingur útskrifast úr námi frá skólum Keilis. Af sóttvarnarástæðum var athöfnin aðeins opin fyrir útskriftarnemendur sem allir þurftu að framvísa vottorði um neikvætt hraðpróf eða nýlega covid-19 sýkingu (eldri en 14 daga og yngri en 180 daga).

Föstudaginn 14. janúar næstkomandi fer fram útskrift nemenda úr Háskólabrú og fótaaðgerðafræði frá Heilsuakademíu Keilis.

Opnað hefur verið fyrir skráningu í fjarnám Háskólabrúar Keilis, bæði með og án vinnu, sem hefst í byrjun janúar 2021.

Keilir óskar eftir að ráða stærðfræðikennara við Háskólabrú skólans. Umsóknarfrestur um starfið er til og með 15. september næstkomandi.

Háskólabrú útskrifaði 31 nemanda af verk- og raunvísindadeild við hátíðlega athöfn í aðalbyggingu Keilis föstudaginn 13. ágúst síðastliðinn. Því hafa alls 184 nemendur lokið námi á Háskólabrú árið 2021.

Hjónin Ingvar Ingvarsson og Sigríður Ella Kristjánsdóttir ákváðu að skella sér saman í nám á Háskólabrú í aðdraganda kórónuveirufaraldursins. Þau höfðu hvorugt lokið við framhaldsskólanám og ákváðu að kominn væri tími á það, tuttugu árum síðar.

Undanfarin ár hefur ásókn í nám á Háskólabrú farið stöðugt vaxandi. Um þrjú hundruð umsóknir hafa borist í nám á komandi haustönn og hefur fjöldi umsókna á þessum tíma aldrei verið meiri en nú.