Fara í efni

Algengar spurningar um Fjarnámshlaðborðið

Hér að neðan finnur þú samantekt af spurningum um námskeið á Fjarnámshlaðborði Menntaskólans á Ásbrú. Smelltu á þá spurningu sem þú vilt fá svar við.

Hvenær get ég hafið nám?

Nemendur geta skráð sig á námskeið hvenær sem er í gegnum umsóknarvef Innu. Umsóknir eru afgreiddar á skrifstofutíma og geta liðið tveir virkir dagar frá umsókn fram að því að hún er afgreidd. Eftir að umsókn er afgreidd getur nemandinn strax hafið nám í áfanganum.

Þarf ég að mæta á staðlotur?

Áfangar á Fjarnámshlaðborði MÁ fara eingöngu fram í fjarnámi og því engin mæting á staðinn.

Hvernig er námsmatið?

Áfangarnir byggja á fjölbreyttu námsmati og gilda öll verkefni til lokaeinkunnar en við notumst ekki við hefðbundin skrifleg lokapróf. Verkefni geta verið rituð verkefni eða munnleg, myndbönd eða hvað annað sem við á. 

Hvað kostar námið?

Verðskrá Menntaskólans á Ásbrú er uppfærð árlega. Mikilvægt er að hafa í huga að námsgjöld fást ekki endurgreidd. Nemandi bera ábyrgð á því að skrá sig inn í áfangann í kennslukerfinu Moodle um leið og innritunarlykill/innritunarlyklar hafa borist nemandanum í tölvupósti.

Skoða námsgjöld

Hvað hef ég langan tíma til að ljúka áfanganum?

Hver og einn nemandi stýrir því á hvaða hraða hann fer í gegnum áfangann, en nemendur hafa hámark fjóra mánuði til að ljúka hverjum áfanga frá innritun á Innu. Sá sem hefur ákjósanlegar aðstæður til að sinna áfanganum getur klárað hann á mun skemmri tíma. Viðmiðið er að á bak við hvern 5 eininga áfanga sé vinnuframlag uppá 100-120 klukkustundir hjá nemandanum.

Hvernig skrái ég mig úr áfanga?

Nemendur geta skráð síg úr áfanga á fyrstu 10 dögunum eftir að þeir skrá sig í hann. Það gera þeir með því að fara inn á Innu og smella á flipann úrsögn úr áfanga. Ef nemandi hefur ekki lokið áfanga á tilsettum tíma (nemandi hefur fjóra mánuði til þess að ljúka áfanga frá dagsetningu skráningar) og skráir sig ekki úr honum innan tímamarka, birtist áfanginn sem fall á INNU.

Spurningin mín er ekki á listanum