Fara í efni

Kynningar á Háskólabrú Keilis á Norðurlandi

29.10.2015
Kynningar á Háskólabrú Keilis á Norðurlandi

Keilir verður með kynningu á fjarnámi í Háskólabrú Keilis (bæði með og án vinnu) á Norðurlandi 3. - 4. nóvember næstkomandi. Við verðum á eftirtöldum stöðum:

  • Farskólanum á Sauðárkróki, Faxatorgi, þriðjudaginn 3. nóvember kl. 12:15 - 13:00. Boðið verður upp á súpu og brauð.
  • Ráðhúsi Fjallabyggðar á Siglufirði, Gránugötu 24, þriðjudaginn 3. nóvember kl. 17:00 - 18:00.
  • SÍMEY á Akureyri, Þórsstíg 4, miðvikudaginn 4. nóvember kl. 17:00 - 18:00.
Allir velkomnir. 
 
Fjarnám í Háskólabrú Keilis
 
Á Háskólabrú er boðið upp á nám fyrir einstaklinga sem ekki hafa lokið stúdentsprófi og er markmiðið með náminu er að veita nemendum góðan undirbúning fyrir krefjandi háskólanám. Að loknu námi uppfylla nemendur inntökuskilyrði í allt háskólanám á Íslandi og telst námið sambærilegt stúdentsprófi samkvæmt samningi Keilis og Háskóla Íslands. Háskólabrú Keilis er vinsælasta frumgreinanám á Íslandi og hafa nú um 1.300 einstaklingar lokið náminu. Af þeim hafa lang flestir haldið áfram í háskólanám bæði hérlendis og erlendis.
 
Háskólabrú á einu ári eða með vinnu á tveimur árum
 
Fjarnám Háskólabrúar Keilis tekur 2-3 annir og er umsóknarfrestur fyrir vorönn 2016 til 14. desember næstkomandi. Keilir býður einnig upp á aðfaranám að háskólanámi í fjarnámi til tveggja ára en um er að ræða frábæran möguleika fyrir þá sem að vilja taka Háskólabrú með vinnu eða vilja taka sér lengri tíma í námið. Háskólabrú með vinnu er kennt í fjarnámi og hefst námið föstudaginn 27. nóvember næstkomandi. 
 
Nánari upplýsingar um Háskólabrú Keilis á www.haskolabru.is
Til baka