Keilir, Markaðsstofa Reykjaness og Íslenski ferðaklasinn bjóða upp á rafræna vinnustofu um gerð styrkumsókna. Viðburðurinn er haldinn á vegum Nýsköpunarakademíu ferðaþjónustunnar en á honum munu Poppins & Partners segja frá hvernig rata má í innlendu og erlendu styrkjaumhverfi.

Framkvæmdastjórn Keilis hefur óskað eftir upplýsingum varðandi endurbætur sem voru gerðar á húsnæði skólans árið 2010 og mun í framhaldi af því athuga hvort tilefni sé til að kanna frekar vatnsgæði í aðalbyggingu Keilis.

Keilir leitar eftir kröftugum og metnaðarfullum starfsmanni í fullt starf sem tekur þátt í undirbúningi, skipulagningu og þróun á námi Háskólabrúar. Jafnframt sinnir starfsmaðurinn þjónustu við nemendur og kennara.

Háskólabrú Keilis í staðnámi fer fram á Ásbrú og er kennslufyrirkomulag í formi fyrirlestra, verkefna- og dæmatíma. Námið er fyrir þá sem hafa ekki lokið stúdentsprófi en hyggja á háskólanám. Staðnámið hentar sérstaklega þeim sem vilja sækja nám í dagskóla og sækjast eftir meiri nánd við kennara og samnemendur.

Ný námsleið til stúdentsprófs með áherslu á tölvuleikjagerð hófst haustið 2019 undir Menntaskólanum á Ásbrú.

Keilir brautskráði 66 nemendur við útskrift skólans föstudaginn 15. janúar. Vegna aðstæðna og reglna um fjöldatakmarkanir var útskriftin með öðru sniði en vanalega og fór athöfnin fram í beinu streymi. Útskriftarnemum gafst þó tækifæri til að senda inn umsagnir um námstímann sinn hjá Keili sem voru lesnar upp af forstöðumönnum í stað formlegrar ræðu fyrir hönd útskriftarnema.

Hlekk á beint streymi af útskrift úr deildum Keilis er að finna hér.

Mikilvægt er að hugsa nýsköpun alltaf sem hluta af kjarnastarfsemi í fyrirtækinu sínu. Hvort sem gengur vel og allt er á fullu spani eða þegar erfiðar aðstæður koma upp sem krefjast skapandi lausna. Opinn fyrirlestur um nýsköpun í ferðaþjónustu föstudaginn 15. janúar kl. 11:00.

Á haustmánuðum samþykkti framkvæmdastjórn Keilis nýtt skipurit. Tilgangur breytingarinnar var að afmarka betur kennslu- og stoðsvið, auka teymisvinnu þvert á svið, bæta þjónustu og samskipti og skýra betur starfsemi Keilis. Ný vefsíða Keilis er væntanleg með vorinu og mun hún endurspegla hið nýja skipurit betur.

Skólasetning fyrir nýnema í fjarnámi Háskólabrúar verður fimmtudaginn 7. janúar 2021 kl. 10 og fer fram á netinu. Fyrsta staðlota í náminu fer fram strax helgina eftir og hefst föstudaginn 8. janúar kl. 9 - 16.