Fara í efni

Stoðtímar

Dagskrá stoðtíma 2024 

Stoðtímar skiptast í fyrri hluta og seinni hluta. Fyrri hlutinn er klukkutíma fyrirlestur frá kennara og seinni hlutinn yfirleitt dæmatími úr efni fyrirlestursins. Kennarar námskeiðsins sjá um fyrirlestra og dæmatíma auk hans aðstoða læknanemar við dæmatímana. Dagskráin er birt hér, með fyrirvara um breytingar. 

Dæmapakkar með lausnum og upptökum af útreikningum eru settir inn á kennsluvefinn fyrir hvern stoðtíma. Árlega bætist því í dæmapakkasafnið sem er orðið digurt.

Stoðtímarnir fara fram í húsnæði Háskóla Íslands við Stakkahlíð og byrja kl. 17:30

  • 10. janúar – Líffræði I
    Farið verður yfir; vítamín, efni líkamans, sveim, frumur, vefi, efnaskipti og orkubúskap, æxlun, flokkun og vistfræði. 

  • 17. janúar – Efnafræði I
    Í fyrsta efnafræðistoðtímanum verður lögð megináhersla á lotukerfið, mólreikning og efnajöfnur. Þetta eru grunnatriði efnafræðinnar sem allir verða að hafa á hreinu. 

  • 24. janúar – Stærðfræði I
    Farið verður yfir helstu atriði varðandi jöfnur, algebru og föll.

  • 31. janúar – Eðlisfræði I
    Farið verður í grunnatriði í eðlisfræði og rætt um stærðir og einingar. Við byrjum á hreyfifræði, kraftfræði og farið verður í varðveislu orku og skriðþunga. Gott væri að prenta út formúlublað Læknadeildar, til að hafa til hliðsjónar í dæmatímanum.

  • 7. febrúar – Íslenska / pallborðsumræður
    Farið verður yfir grunnatriði í íslenskri málfærni. Seinni hlutann ætlum við að nota í pallborðsumræður þar sem nokkrir læknanemar á fyrsta ári ræða sína nálgun á Inntökuprófið og undirbúning fyrir það.

  • 14. febrúar – Líffræði II
    Farið verður yfir flutning yfir himnur, Na/K-dæluna, myndun boðspennu og lífeðlisfræði helstu líffærakerfa líkamans.

  • 21. febrúar – Efnafræði II
    Í öðrum efnafræðistoðtíma vetrarins verður farið í varmafræði, jafnvægi í efnahvörfum, gasjöfnuna og að lokum skerpt á nokkrum lykilatriðum er varða rafefnafræðina.

  • 28. febrúar – Stærðfræði II
    Farið verður yfir helstu atriði varðandi rúmfræði og hlutföll og hornaföll. 

  • 6. mars – Siðfræði / Almenn þekking
    Farið er yfir mikilvæg siðfræðihugtök og hvernig best er að leysa siðfræðivandamál. Seinni klukkutíminn er helgaður almennri þekkingu.

  • 13. mars – Eðlisfræði II
    Farið verður í þrýsting, lögmál Arkimedesar, hringhreyfingu, ljósfræði og varmafræði.

  • 20. mars – Líffræði III
    Erfðafræði; líkindareikningur, samsætur, kjarnsýrur, stökkbreytingar, frumuskipting og myndun prótína úr erfðaupplýsingunum.

  • 3. apríl – Efnafræði III
    Í þriðja og síðasta efnafræðitímanum verður lögð áhersla á sýru- og basajafnvægi og lífræna efnafræði. Farið verður yfir lykilatriði og helstu dæmatýpur.

  • 10. apríl – Stærðfræði III
    Efni dagsins er talningarfræði, heildun, deildun og markgildi.