Háskólabrú í fjarnámi hefst í janúar

Lærðu þegar og þar sem þér hentar í fjarnámi Háskólabrúar
Lærðu þegar og þar sem þér hentar í fjarnámi Háskólabrúar

Opnað hefur verið fyrir skráningu í fjarnám Háskólabrúar Keilis, bæði með og án vinnu, sem hefst í byrjun janúar 2021.

Umsóknarfrestur er til og með þriðjudagsins 1. desember næstkomandi. Skólasetning verður fimmtudaginn 7. janúar 2021 og fyrsta staðlota í náminu strax helgina á eftir. 

Mikill fjöldi nemenda á Háskólabrú

Aldrei hafa fleiri nemendur lagt stund á frumgreinanám í Keili en á núverandi skólaári og barst metfjöldi umsókna í námið á haustönn. Við hvetjum því áhugasama um að vera tímanlega í umsókn sinni um nám á vorönn.

Boðið er upp á Háskólabrú í samstarfi við Háskóla Íslands og gildir námið til inntöku í allar deildir háskólans. Samtals hafa rétt um tvö þúsund einstaklingar lokið náminu og hefur mikill meirihluti þeirra haldið áfram í háskólanám bæði hérlendis og erlendis við góðan orðstír. 

Keilir hefur markað sér sérstöðu í að veita einstaklingsmiðaða þjónustu og stuðning við nemendur. Kennsluhættir miða við þarfir fullorðinna nemenda miklar kröfur eru gerðar um sjálfstæði í vinnubrögðum og eru raunhæf verkefni lögð fyrir. Kannanir í Háskóla Íslands á gengi nýnema hafa sýnt að nemendur sem koma úr Háskólabrú Keilis eru meðal þeirra efstu yfir þá sem telja sig vel undirbúna fyrir háskólanám.


Tengt efni