Fara í efni

Náttúruvernd og umhverfismál

10.png

Stærsti hópur þeirra ferðamanna sem heimsækja Ísland koma hingað vegna náttúrnar. Það er okkar að tryggja að landið okkar verði ekki fyrir skemmdum. Í áfanganum er farið yfir helstu atriði í náttúruvernd t.d. friðlýsingar, göngustígagerð og landvörslu ásamt ábyrgð fyrirtækja í umhverfismálum.

Innifalið í námskeiðiskostnaði eru öll námsgögn, aðgangur að kennslukerfi og fyrirlestrum, ásamt vinnu í vinnustofum. Áður en námskeiðið hefst verður opnað fyrir aðgang þátttakenda að kennslukerfi og fyrirlestrum á netinu, og er ætlast til að þátttakendur hafi kynnt sér efnið áður en farið verður í vinnustofu.

Uppbygging

Námskeiðið byggist upp á vendinámi. Áður en nám hefst fá nemendur senda fyrirlestra og lesefni sem þeir kynna sér áður en þeir koma í vinnustofu.

Fyrir hverja er námskeiðið?

Starfsfólk í ferðaþjónustu sem vill auka hæfni sýna og skilning á ferðaþjónustu. Fyrir fólk sem vill vera en betur í stakk búið til að takast á við verkefni í ferðaþjónustu þegar ferðaþjónustan kemst aftur á flug.

Ávinningur

Að námskeiðinu loknu munu nemendur kunna skil á helstu flokkum náttúruverndar, hvers vegna friðlýsingar eru gerðar og hverjar eru helstu áskoranir náttúrverndar. 

Lengd

Námið er byggt upp í samræmi við aðalnámsskrá framhaldsskóla þar sem ein framhaldsskólaeining samsvarar 18 til 24 klukkustunda vinnu meðalnemanda, það er að segja þriggja daga vinnu nemenda ef gert er ráð fyrir sex til átta klukkustunda vinnu að meðaltali á dag eftir eðli viðfangsefna og afkastagetu nemenda. Þetta námskeið er samsvarandi 5 framhaldskólaeiningum.