Við Flugakademíu Íslands er boðið upp á metnaðarfullt flugnám í einum öflugasta flugskóla á Norðurlöndunum. Námið er opið íslenskum jafnt sem erlendum flugnemendum. Námið tekur mið af samevrópskri námsskrá til útgáfu flugskírteina sem gefin er út af EASA - Flugöryggisstofnun Evrópu og er því kennt samkvæmt EASA Part-FCL stöðlum. Námið er samþykkt af Samgöngustofu og lítur eftirliti þeirra.
Flugakademía Íslands býður uppá atvinnuflugnám, einkaflugnám, flugkennaranám ásamt fjölbreyttu úrvali námskeiða fyrir flugmenn.
Atvinnuflugnám
Nám til atvinnuflugmannsréttinda er spennandi nám fyrir þá sem vilja öðlast réttindi til að stjórna farþegaflugvélum hvar sem er í heiminum. Þeir sem ljúka atvinnuflugmannsnámi hjá Flugakademíu Íslands öðlast öll þau réttindi sem þarf til að starfa sem atvinnuflugmaður.
Hægt er að velja tvær leiðir að atvinnuflugnáminu, atvinnuflugnám eða áfangaskipt atvinnuflugnám. Báðar leiðir gefa sömu réttindi við lok náms, en ýmsar viðbætur, áherslur og lengd náms skilja leiðirnar að. Atvinnuflugmannsnám er heildstæð námsleið að atvinnuflugmannsréttindum og samanstendur af 185 kennslutímum í flugvél og flughermi ásamt 750 klukkustundum af bóklegu námi.
Áfangaskipt atvinnuflugmannsnám er önnur leið að sömu réttindum en þar bæta flugnemar ætíð við sig réttindum upp að atvinnuflugmannsskírteini.
Einkaflugnám
Nám til einkaflugmannsréttinda hjá Flugakademíu Íslands er hugsað sem fyrsta skrefið að Atvinnuflugmansnámi. Að loknu námi, öðlast þú samevrópsk einkaflugmannsréttindi (Part-FCL flugskírteini), sem veitir þér réttindi til að fljúga á einshreyfils flugvél í sjónflugi með farþega án endurgjalds víða um heim. Einkaflugmannsnám er bæði skemmtilegt og krefjandi nám sem skiptist í bóklegt nám og verklegt nám.
Flugkennaranám
Flugkennaranámið er góð leið til að öðlast frekari reynslu eftir að þú hefur lokið við atvinnuflugnámið, og það veitir þér tækifæri til að bæta flugmannshæfileika þína sem eru eftirsóttir af flugrekendum, s.s. samvinnu tveggja flugmanna, greina hættur og grípa inn í þegar þess gerist þörf og leiðbeina öðrum flugmanni í réttan farveg.
Námskeið
Flugakademía Íslands býður fjölbreytt úrval námskeiða fyrir flugmenn s.s.:
- Áhafnasamstarf á þotu (MCC/APS MCC)
- Advanced UPRT
- Endurnýjun réttinda
- Upprifjunarnámskeið flugkennara
- Enskumat