Árlegur Flugdagur á Reykjavíkurflugvelli verður haldinn laugardaginn 1. júní næstkomandi. Flugakademía Keilis / Flugskóli Íslands tekur þátt í sýningunni í ár og verðum við með nokkrar af kennsluvélum skólans til sýnis fyrir gesti dagsins.

Flugskóli Íslands útskrifaði alls 55 nemendur úr atvinnuflugnámi skólans við hátíðlega athöfn í Háskólabíó þann 22. maí síðastliðinn. Var þetta jafnframt síðasta útskrift Flugskóla Íslands, einum elsta starfandi flugskóla landsins, en Keilir keypti rekstur hans fyrr á árinu.

Keilir býður upp á fimm daga sumarnámskeið í ævintýraferðamennsku fyrir hressa krakka á aldrinum 13 - 15 ára. Skemmtilegt og nýstárlegt námskeið, þar sem þátttakendur yfirgefa þægindaramma heimilisins og eyða tímanum þess í stað umlukin náttúrunni, þar sem þau læra nýja færni og þekkingu á útivist, ásamt því að skemmta sér og upplifa ný ævintýri með jafnöldrum sínum.

Aðalfundur Keilis verður haldinn kl. 15:45 þriðjudaginn 21. maí í aðalbyggingu skólans að Grænásbraut 910 á Ásbrú í Reykjanesbæ. Hefðbundin aðalfundarstörf. Allir velkomnir.

Forsetahjónin, Guðni Th. Jóhannesson og Eliza Reid, komu í opinbera heimsókn í Reykjanesbæ í byrjun maí. Þau litu við í Keili og fengu kynningu á starfsemi skólans, meðal annars nýjungum í kennsluháttum og námsumhverfi, auk kynningar á námsbrautum skólans.

Flugakademía Keilis býður upp á flugbúðir fyrir ungt fólk og aðra áhugasama um flug dagana 11. - 13. júní 2019. Á námskeiðinu er farið yfir allt það áhugaverðasta og skemmtilegasta sem kennt er í flugtengdum fögum. Þátttakendur fá innsýn inn í áhrif veðurs á flug, hvernig flugvélar eru uppbyggðar og hvernig þær fljúga.

Keilir verður með opinn kynningarfund um námsframboð skólans föstudaginn 26. apríl kl. 17 - 18 í Fræðslumiðstöð Vestfjarða á Ísafirði að Suðurgötu 12. Allir velkomnir.

Keilir verður með kynningu á námsframboði skólans á Starfamessu á Selfossi, miðvikudaginn 10. apríl næstkomandi. Við kynnum sérstaklega nýtt nám til stúdentsprófs með áherslu á tölvuleikjagerð í Menntaskólanum á Ásbrú, atvinnuflugnám og leiðsögunám í ævintýraferðamennsku.

Flugakademía Keilis hefur opnað starfsstöð fyrir nemendur í verklegu atvinnuflugnámi á Alexandersflugvelli í Skagafirði. Bæði nemendur og kennarar sem hafa undanfarið verið staðsettir á Sauðárkróki eru yfir sig ánægðir með bæði innviði og aðstöðu til flugnáms í Skagafirði, en þar eru kjöraðstæður til verklegrar flugkennslu.

Vegna aukinna umsvifa Flugakademíu Keilis í Skagafirði, verðum við með opinn kynningarfund á atvinnuflugmannsnámi á Alexandersflugvelli á Sauðárkróki, fimmtudaginn 7. mars kl. 12 - 13.