Í dag, miðvikudaginn 5. október, er alþjóðadagur kennara haldinn hátíðlegur um allan heim. Yfirskrift dagsins að þessu sinni er „Umbreyting menntunar hefst hjá kennurunum“ og eru það Alþjóðasamtök kennara (Education International) sem velja yfirskriftina ár hvert. Við hjá Keili tökum heilshugar undir þessa yfirskrift og eigum við okkar kennurum allt að þakka fyrir umbreytingu menntunar í formi vendináms hér í Keili.

Markmiðið með Alþjóðadegi kennara, sem stofnaður var árið 1944 af UNESCO og Alþjóðasamtökum kennara, er að vekja athygli á því mikilvæga starfi sem kennarar gegna í heiminum ásamt því að efla samtakamátt kennara um heim allan.

Við í Keili búum yfir einstökum kennarahóp sem við erum afar þakklát fyrir alla daga ársins og óskum við þeim innilega til hamingju með daginn sem og öðrum kennurum landsins.