Háskólabrú og Háskólastoðir, undirbúningur til stúdentsprófs - Keilir

Námstilhögun

Boðið er upp á fjórar deildir á Háskólabrú; Félagsvísinda- og lagadeild, Hugvísindadeild, Viðskipta- og hagfræðideild og Verk- og raunvísindadeild.

Lengd námsins fer eftir því hvaða deild er valin. Þannig tekur námið 2 annir fyrir þá nemendur sem ætla sér að stunda nám á öllum deildum nema verk- og raunvísindadeild en námið er 3 annir fyrir þá nemendur sem ætla sér að stunda nám í verk-eða raunvísindum.

Kennsla fer fram í dagskóla og kennslufyrirkomulag er í formi fyrirlestra, verkefna - og dæmatíma ásamt verklegum tímum í raungreinum.

Inntökuskilyrði

Umsækjendur skulu hafa náð 25 ára aldri og hafa lokið 70 einingum á framhaldsskólastigi. Þar af þurfa umsækjendur að hafa lokið að minnsta kosti 6 einingum í stærðfræði, íslensku og ensku. Umsækjendur eiga möguleika á að fá starfsreynslu sína metna til eininga að hluta upp í þær lágmarkseiningar sem krafist er.

Lánshæft nám

Nám á Háskólabrú er sett upp samkvæmt reglum LÍN sem lánar sérstaklega fyrir námsgjöldum. Námið veitir einnig þeim sem uppfylla skilyrði LÍN rétt til framfærsluláns. Nánari upplýsingar má finna á http://www.lin.is/

Tölvu- og upplýsingamál

Fartölvur eru notaðar í námi á Háskólabrú.

Nemendur þurfa að vera með Office 2010 pakkann uppsettan á tölvum sínum, vert er að benda á að í upplýsingatækni er kennt á Office umhverfið í PC tölvum og því eru þær tölvur hentugri til námsins þó svo bæði gangi að nota PC og Apple tölvur. Þeir sem nota Apple tölvur þurfa að vera með Mac Office 2008 eða 2011 uppsett á vélunum hjá sér og gera ráð fyrir því að verkefni geti verið tímafrekari í vinnslu en með PC.

Keilir starfrækir upplýsingamiðstöð, námsráðgjöf og tölvuþjónustu. Mikil áhersla er lögð á persónulega þjónustu og kennsluhætti sem miða við þarfir fullorðinna nemenda. 

Forstöðumaður Háskólabrúar er Soffía Waag Árnadóttir og verkefnastjóri er Inga Sveinbjörg Ásmundsdóttir

SÆKJA UM