Skrifstofa Keilis og nemendaskírteini

Þegar nemendur þurfa þjónustu af einhverju tagi er skrifstofa Keilis fyrsti staðurinn sem þeir leita til. Þar má m.a. fá ýmis vottorð um skólavist og yfirlit yfir námsferla  Á skrifstofunni er einnig hægt að kaupa prentkvóta og þar eru stúdentakort afhent. Ýmis önnur þjónusta er veitt á skrifstofunni og geti starfsmenn ekki afgreitt málið vísa þeir því rétta leið. Skrifstofan er opin kl. 8:00 - 12:00 og kl. 13:00 - 16:00 alla virka daga.
 
Sími: 578 4000
Fax: 578 4001
 

Nemendaskírteini

Allir nemendur Keilis geta fengið nemendaskírteini sér að kostnaðarlausu á skrifstofu skólans. Ef skírteinin tapast, þá kostar endurútgefið kort 2.000 kr. Stefnt er að því að skírteinin séu tilbúin við skólasetningu  og ættu nemendur að geta nálgast sín skírteini þá. Notast er við myndir úr INNU, en ef það er ekki mynd þar er hægt að láta taka af sér mynd á skrifstofunni. Starfsfólk Keilis og handhafar nemendaskírteina fá afslátt hjá verslunum, þjónustu og veitingastöðum. Nánari upplýsingar um þá staði sem veita afslátt [PDF]
 

Ábendingar og aðstoð

Er eitthvað bilað, vantar þig aðstoð, viltu koma með ábendingu, kvörtun, hrós? Keilir starfar á nokkrum stöðum og því getur verið erfitt að fylgjast með þegar eitthvað er bilað eða fer úrskeiðis. Jafnframt viljum við leggja okkur fram við að bæta þjónustuna og aðstöðuna. Við tökum því fagnandi að fá ábendingar frá nemendum um allt milli himins og jarðar.
 
Vinsamlegast sendið ábendingar á Venný Sigurðardóttur