Háskólabrú og Háskólastoðir, undirbúningur til stúdentsprófs - Keilir

Á Háskólabrú er boðið upp á nám fyrir einstaklinga sem ekki hafa lokið stúdentsprófi. Til að uppfylla inntökuskilyrði skólans þurfa nemendur að hafa lokið a.m.k. 70 einingum í framhaldsskóla og þar af 6 einingum í íslensku, ensku og stærðfræði. Að loknu námi uppfylla nemendur inntökuskilyrði í háskóla og telst námið sambærilegt stúdentsprófi samkvæmt samningi Keilis og Háskóla Íslands. Markmiðið með náminu er að veita nemendum góðan undirbúning fyrir krefjandi háskólanám. 

Boðið er upp á fjórar deildir á Háskólabrú:

Félagsvísinda- og lagadeild
Hugvísindadeild
Viðskipta- og hagfræðideild
Verk- og raunvísindadeild

Boðið er upp á námið í bæði staðnámi og fjarnámi. Einnig er boðið upp á Menntastoðir, sem er einnar annar nám unnið í samstarfi við Miðstöð símenntunar á Suðurnesjum, Fræðslumiðstöðvar Atvinnulífsins og Keili, miðstöð vísinda, fræða og atvinnulífs. Markmið Menntastoða er að stuðla að jákvæðu viðhorfi námsmanna til áframhaldandi náms og auðvelda þeim að takast á við ný verkefni. Í náminu er lögð áhersla á að nemendur læri að læra, efli sjálfstraust sitt og lífsleikni.