Flýtilyklar
Leit
Menntastođir
Menntastoðir er einnar annar nám unnið í samstarfi við Miðstöð símenntunar á Suðurnesjum, Fræðslumiðstöðvar Atvinnulífsins og Keili, miðstöð vísinda, fræða og atvinnulífs.
Markmið Menntastoða er að stuðla að jákvæðu viðhorfi námsmanna til áframhaldandi náms og auðvelda þeim að takast á við ný verkefni. Í náminu er lögð áhersla á að nemendur læri að læra, efli sjálfstraust sitt og lífsleikni.
Námið í Menntastoðum tekur um 6 mánuði og gefur um 50 einingar. Helstu námsgreinar eru stærðfræði, íslenska, upplýsingatækni, enska og danska. Kennsluhættir Menntastoða miða við þarfir fullorðinna nemenda og leitast er við að veita nemendum góða þjónustu. Þannig skipa sjálfsefling, námstækni og hópefli stóran þátt í skólastarfinu.
Öll kennsla í Menntastoðum byggist á tölvum þannig er það skilyrði að nemendur eigi fartölvu með Office 2007 hugbúnaði.
Námið í Menntastoðum kostar 104.000 kr. Hægt er að sækja um styrki hjá stéttarfélögum fyrir námsgjöldum. Jafnframt styrkir Vinnumálastofnun þá nemendur sem eru án atvinnu, eftir að gengið hefur verið frá námssamningi.
Námssamning við Vinnumálastofnun þarf að gera áður en nemandinn hefur námið. Greiða þarf námið fyrirfram, eigi seinna en 2 vikum fyrir skólasetningu. Nánari upplýsingar um greiðslufyrirkomulag námsins fæst hjá Miðstöð símenntunar á Suðurnesjum eða í síma 421 7500.
Kennt verður hjá SÍMEY á Akureyri MSS (Miðstöð símenntunar á Suðurnesjum) og MÍMI í Reykjavík.
Nemendur sem ljúka námi í Menntastoðum eiga kost á því að sækja um nám á Háskólabrú Keilis.
Nám á Háskólabrú er lánshæft hjá LÍN, með þeim skilyrðum að námsmaður hafi áður lokið lánshæfu starfsnámi, þ.e. burtfararprófi / sveinsprófi úr skóla, eða hafi jafngilda reynslu úr atvinnulífinu, þ.e. starfsreynslu sem samsvarar fullri atvinnuþátttöku í a.m.k. fimm ár. Sjá nánar á http://www.lin.is/
