Flýtilyklar
Leit
Orku- og tækniskólinn
Orku- og tækniskólinn
Orku- og tækniskóli Keilis býður upp á fjölfaglegt og hagnýtt tæknifræðinám á háskólastigi sem veitir
útskrifuðum nemum rétt til að sækja um lögverndaða starfsheitið tæknifræðingur. Námið fléttar saman bóklegt
nám og verkefnavinnu sem byggir á raunverulegum atvinnutengdum verkefnum. Markmið okkar er að útskrifa nemendur með framúrskarandi þekkingu og
færni á sínu kjörsviði ásamt því að hafa náð að virkja og efla sköpunargleðina. Boðið er upp á
námið í samstarfi við Háskóla Íslands.
Tæknifræði hjá Keili
Sérhæfing er góð, en sá breiði bakgrunnur sem fæst með þverfaglegu námi hjá Orku- og tækniskóla Keilis veitir aðra sýn á lausn verkefna og gerir útskrifuðum nemendum okkar mögulegt að vinna sem sérfræðingar á þeim sviðum sem höfða til þeirra eða sem verkefnisstjórar þverfaglegra vinnuhópa. Námið er skipulagt í nánu samstarfi við fyrirtæki sem reiða sig á tæknilausnir, og byggir á þörfum atvinnulífsins fyrir tæknimenntað starfsfólk í framtíðinni. Námið er í senn góður grunnur fyrir áhugaverð framtíðarstörf í atvinnulífinu og fyrir frekara háskólanám bæði hérlendis og erlendis.
Atvinnumöguleikar
Eftir útskrift munu nemendur hafa um marga kosti að velja. Það er von okkar að einhver hluti af nemendum stofni sprotafyrirtæki út frá hugmyndum sem þeir fá á meðan þeir eru í námi. Orku- og tækniskóli Keilis mun aðstoða þessa nemendur ásamt öðrum góðum fyrirtækjum við að vinna úr viðskiptahugmyndunum og gera þær að veruleika. Eftir tæknifræðina geta nemendur valið um margvísleg störf á almennum vinnumarkaði, allt frá tilraunastofum yfir í þjónustufyrirtæki, framleiðslufyrirtæki, orkufyrirtæki og verkfræðistofur.
Mikil þörf er fyrir vel menntað starfsfólk í hugverka-, tækni- og orkufyrirtækjum í íslensku atvinnulífi. Hægt er að
skoða grein um atvinnumál tæknifræðina sem Karl Sölvi Guðmundsson, forstöðumaður tæknifræðináms Keilis skrifaði í
nóvember 2011. [Grein: Skortur á háskólamenntuðu fólki
í tæknigreinum]
Fréttir
Háskóladagurinn 2012
Rannsóknir á nýtingu þörunga
Heimsókn til AGH tækniháskólans í Kraká
Opið fyrir umsóknir í tæknifræði
Ræktun í upphituðum jarðvegi
Lesa meira
Mynd augnabliksins
Á næstunni
Engir viðburðir á næstunni
Keilir á samfélagsmiðlum
Get ég hafið nám í tæknifræði ef ég er með iðnmenntun?
Já. Í þeim tilfellum þar sem nemendur hafa ekki lokið stúdentsprófi, bjóðum við nemendum að taka þá áfanga
sem vantar uppá í Háskólabrú samhliða háskólanáminu í tæknifræði. [Skoðaðu fleiri spurningar og svör]
Umsagnir nemenda
