Íþróttaakademía

Íþróttaakademía Keilis býður upp á krefjandi, skemmtilegt og metnaðarfullt nám í ÍAK einkaþjálfun og ÍAK styrktarþjálfun, auk leiðsögunáms í ævintýraferðamennsku. Miklir atvinnumöguleikar eru fyrir þá sem lokið hafa námi hjá ÍAK og samkvæmt könnunum á vegum Keilis eru þeir eftirsóttir þjálfarar.

Nám í ÍAK þjálfun miðar að því að skila þjálfurum tilbúnum til starfa. Þannig er rík áhersla lögð á verklega kennslu samhliða þeirri bóklegu. ÍAK námsleiðir eru kenndar í fjarnámi með staðlotum á Ásbrú í Reykjanesbæ og á Akureyri. 

Keilir kappkostar einnig við að sinna vel endurmenntun þjálfara með stökum námskeiðum. Námskeiðin eru auglýst á póstlista heilsuskólans.