Öryggistrúnaðarmenn og öryggisverðir - fjarnám

Vinnuverndarlögin (46/1980) eru kynnt og helstu reglugerðir sem settar eru í samræmi við þau.

Á námskeiðinu verður farið yfir helstu málaflokka vinnuverndarstarfs á vinnustöðum s.s. inniloft, líkamsbeitingu, hávaða, lýsingu, efnahættur, félagslega og andlega áhættuþætti, einelti og áreitni, vinnuslys og öryggi við vélar. Einnig verður fjallað ítarlega um gerð áhættumats á vinnustöðum. 

Námskeiðið er fyrir alla vinnustaði sem hafa öryggistrúnaðarmenn og öryggisverði og þá sem hafa áhuga á vinnuverndarmálum og vilja bæta hjá sér vinnuumhverfið.

Uppbygging

Námskeiðið er gangvirkt netnámskeið. Nemendur sem skráðir eru á námskeiðið fá senda fyrirlestra og lesefni nokkru fyrir kennslustund. Námskeiðið samanstendur af 6 lotum sem öllum líkur með stuttu krossaprófi. Nemendur fá líka stutt heimaverkefni sem farið verður yfir í fjarkennslu í Teams miðvikdaginn 3. júní. Fjarkennslan býður upp á gagnvirkni, spurningar og umræður. Námskeiðið byggir á námskrá um námskeið fyrir öryggistrúnaðarmenn og öryggisverði.

Ávinningur

Aukin þekking á vinnuverndarmálum og tækifæri til að bæta hjá sér vinnuumhverfið, fækka slysum og veikindadögum og stuðla að betri líðan starfsmanna. 

Fyrir hverja er námskeiðið?

Námskeiðið er fyrir alla vinnustaði sem hafa öryggistrúnaðarmenn og öryggisverði og þá sem hafa áhuga á vinnuverndarmálum og vilja bæta hjá sér vinnuumhverfið

Lengd

Þátttakendur fá sent kennsluefni og krossapróf sem þeir geta unnið í þegar þeir vilja en þurfa að klára áður en fjarkennsla á Teams fer fram 3. júní klukkan 13-15.

Dagsetningar

Næstu námskeið eru sem hér segir:

  • Miðvikudaginn 3. júní 2020, kl. 13-15.

Verð, nánari upplýsingar og skráning

Námskeiðið kostar 32.000 kr. Innifalin eru öll námsgögn, aðgangur að kennslukerfi, fyrirlestrum, verkefnum og krossaprófum.

Nánari upplýsingar veitir Guðmundur Kjerúlf, forstöðumaður Vinnuverndarskóla Íslands. Vinsamlegast smellið á hlekkina hér fyrir neðan til að skrá þátttakendur á námskeiðið. Áður en námskeiðið hefst verður opnað fyrir aðgang þátttakenda að kennslukerfi og fyrirlestrum á netinu, og er ætlast til að þátttakendur hafi kynnt sér efnið áður en fjarkennsla fer fram.

Skráning á námskeið