Nýstárlegt námsrými í Menntaskólanum á Ásbrú

Lögð verður áhersla á að allir nemendur geti fundið sér námsumhverfi sem er bæði þægilegt og skapand…
Lögð verður áhersla á að allir nemendur geti fundið sér námsumhverfi sem er bæði þægilegt og skapandi
Þessa dagana er unnið að því að klára aðstöðu nemenda og námsrými skólans sem verður staðsett í þeim hluta aðalbyggingar Keilis sem áður hýsti tæknifræðinám Háskóla Íslands.
 
Keilir hefur verið í samstarfi við IKEA með hugmyndir að skipulagi stofunnar og með húsgögn sem henta slíku námsrými. Útkoman verður ein nýstárlegasta og skemmtilegasta skólastofa landsins.
 
Markmiðið verður að skapa vinnuaðstöðu í sérklassa sem verður sérstaklega hannað með það að leiðarljósi að vera nútímalegt fjölbreytt og aðlaðandi starfsumhverfi þar sem nemendum líður vel og langar til þess að sinna vinnu sinni.​​
 
Nútímalegt og sveigjanlegt staðnám
 
Markmiðið með því að endurhugsa skólastofuna er að hanna og setja upp fjölbreytt og sveigjanlegt rými sem hentar mismunandi kröfum og þörfum nútíma nemenda. Rýmið verður í anda þeirrar nýbreytni í kennsluaðferðum sem hefur einkennt skólastarf Keilis á undanförnum árum, svo sem sveigjanlega kennsluhætti, vendinám, þverfagleg vinna og verkefnamiðað vinnulag. Þá verða engin lokapróf í Menntaskólanum á Ásbrú heldur verður lögð áherslu á fjölbreytt námsmat sem sinnt er jafnt og þétt.

 


Tengt efni