Samtvinnað atvinnuflugnám hefst í ágúst

Samtvinnað atvinnuflugnám er tilvalið fyrir þá sem eru með litla eða enga flugreynslu og vilja öðlast atvinnuflugmannsréttindi að námi loknu. Námið frá upphafi til enda, bóklegt og verklegt, tekur um 24 mánuði að ljúka. Hámarkstími náms samkvæmt reglugerð er 36 mánuðir frá upphafi og ber nemanda að ljúka því innan þess tímaramma.

Þrátt fyrir tímabundna niðursveiflu í flugiðnaðinum í dag benda spár til mikillar vöntunar á flugmönnum á næstu árum. Með því að hefja nám í samtvinnuðu atvinnuflugnámi á þessum tímapunkti er verið að ljúka námi á þeim tíma sem spár segja að yfirvofandi vöntun verði hvað mest áþreifanleg.

Eina samtvinnaða atvinnuflugnám á Íslandi

Samtvinnað atvinnuflugnám hjá Flugakademíu Íslands er krefjandi og faglegt nám frá fyrsta degi. Það kallar á mikinn sjálfsaga nemenda og vinnu við að ná settu markmiði. Námið er sniðið að þörfum þeirra sem stefna á frama sem atvinnuflugmenn þar sem nemendum er fylgt eftir frá fyrstu flugferð að atvinnuflugmannsskírteini. Að loknu námi öðlast nemendur samevrópskt atvinnuflugmannsskírteini, ásamt öllum þeim réttindum sem til þarf, til að geta starfað sem atvinnuflugmaður hjá evrópskum flugrekanda. Skólinn heldur vel utan um nemandann út námstímann og eru allir áfangar og flug (bókleg og verkleg þjálfun) skipulögð fram í tímann.

Námið er lánshæft sem fjögurra anna nám hjá Menntasjóði námsmanna og er eina lánshæfa flugnámið hér á landi hjá sjóðnum.

Umsóknarfrestur í námið er til 30. júlí og hefst námið 30. ágúst. 

Sækja um í samtvinnað atvinnuflugnám