Handbók nemenda - ÍAK

1 Námið

• 1.2 Vinnuhelgar

  Nemendur mæta á vinnuhelgi skv. stundaskrá. 100% skyldumæting er á vinnuhelgar frá upphafi til enda. Mæti viðkomandi 15 mín of seint í verkefnatíma telst hann ekki hafa mætt. 

• 1.3 Úrsögn úr áfanga

  Nemendur skrá sig úr áfanga með því að fara inn á Innu og smella á flipann úrsögn úr áfanga. Skráning úr áfanga þarf að berast eigi síðar en 10 dögum eftir að áfangi hefst. Ef nemandi sinnir ekki áfanganum og skráir sig ekki út honum á tilskildum tíma birtist áfanginn sem fall á INNU. Mikilvægt er að hafa samráð við verkefnastjóra námsins og tilkynna honum úrsögnina. 

  Nemendur Íþróttaakademíu Keilis verða að segja sig úr áfanga í síðasta lagi tíu dögum eftir að áfangi hefst til þess að geta átt námsgjöld inni. Námsgjöld geta gilt í Íþróttaakademíu í tvö ár frá því að nemandi hóf nám. 

• 1.4 Fyrirvari um breytingar

  Vakin er athygli á því að allt sem birt er s.s. varðandi skipulag og annað er birt með fyrirvara um breytingar og deildarstjóri áskilur sér rétt til að breyta dagsetningum og öðru sem birst hefur og við kemur náminu. 

• 1.5 Verkefnavinna

  Á vinnuhelgum vinna nemendur einstaklingsverkefni í bland við para- og hópverkefni. Miklar kröfur eru gerðar til nemenda hvað varðar vinnubrögð og sjálfstæði í lausn á krossaprófum og einstaklingsverkefnum. Óheimilt er með öllu  að nýta sér hugverk annarra í ritgerðum og verkefnum, nema heimilda sé getið í samræmi við viðurkennd fræðileg vinnubrögð. Kennurum er heimilt að beita viðurlögum ef upp kemst um ritstuld, nemandi er áminntur og fær einkunnina 0 í verkefninu eða áfanganum, eftir alvarleika brotsins.

• 1.6 Tilslakanir á skilafresti

  Hafi nemandi ekki lokið við verkefni á tilsettum skilatíma gildir sú regla að ekki er gefinn lengri tími án lækkunar einkunnar á verkefni. 

• 1.7 Verkefnaskil nemenda

  Áfangi með lokaprófi eða lokaverkefni sem gildir 50% eða hærra

  Gefin er verkefnaeinkunn sem er vegið meðaltal allra verkefna vetrarins og þurfa nemendur að ná lágmarkseinkunninni 7,0 úr verkefnahlutanum til að öðlast próftökurétt/rétt til að skila lokaverkefni. Nemendur þurfa að ná 7,0 í lokaprófi til að standast áfangann.

  Símatsáfangi

  Lokaeinkunn áfangans er vegið meðaltal allra verkefna vetrarins og þurfa nemendur að ná lágmarkseinkunninni 7,0 til að ná áfanganum.

• 1.8 Moodle (kennslu- og samskiptaforrit)

  Öll námsgögn og samskipti milli kennara og nemenda fara fram í kennslu- og samskiptaforritinu Moodle.  Mikilvægt er að nemendur fari reglulega inn á Moodle til að fylgjast með hverjum áfanga fyrir sig. Brýnt er að nemendur fylgist með tölvupósti daglega, allar upplýsingar frá skólanum og milli nemenda eru sendar í tölvupósti.

• 1.9 Tölvusamskipti

  Mikil áhersla er á tölvunotkun í Keili þar sem námsgögn og samskipti fara mikið fram í gegnum tölvur. Allir starfsmenn og nemendur Keilis eru beðnir um að hafa í huga að um tölvusamskipti gilda almennar kurteisisreglur.

2 Próf

• 2.1 Próftökuréttur

  Nemendur skulu hafa náð 7 í veginni meðaleinkunn verkefna og hafa virt mætingaskyldu til þess að öðlast próftökurétt. Ef nemandi nær ekki tilskyldri lágmarkseinkunn þá telst hann fallinn á verkefnaeinkunn og telst því fallinn í áfanganum.

  Í alla tíma í staðlotum er 100% mætingaskylda. Mæti viðkomandi 15 mín of seint í verkefnatíma telst hann ekki hafa mætt. 

• 2.2 Gagnapróf og gagnalaus próf

  Próf í ÍAK einkaþjálfaranum eru ýmist gagnalaus eða með gögnum. Í gagnaprófum mega nemendur hafa með sér skrifaðar glósur. Kennari ákveður magnið og einnig hvort hann leyfi kennslubókina eða önnur gögn. Þá ákveður kennari framkvæmd prófa og er heimilt að leggja fyrir nemendur próf án gagna.

• 2.3 Prófseinkunn

  Nemendur þurfa að ná 7,0 á lokaprófum í öllum áföngum.

• 2.4 Endurgjöf á próf

  Próf eru eign skólans. Kennari auglýsir prófsýningu 3-4 vikum eftir próf. Nemendur senda tölvupóst á viðkomandi kennara og óska útskýringa í gegnum tölvupóst eða óska þess að fá að sjá prófið. Prófsýning fer fram í Keili á skrifstofutíma. 

• 2.5 Sjúkrapróf

  Til að nemandi eigi kost á að taka sjúkrapróf verður hann að skrá sig á heimasíðu Keilis í síðasta lagi tveimur virkum dögum fyrir prófið. Til þess að veikindi í prófi séu tekin gild þarf að skila vottorði sem er dagsett innan þriggja daga frá prófdegi. Ekki er tekið mark á vottorði sem er dagsett eftir þann tíma.

• 2.6 Upptökupróf

  Nemandi sem ekki nær lágmarkseinkunn á misserisprófi á rétt á að fara í upptökupróf (sjá kostnað í Gjaldskrá Keilis). Tilkynni nemandi ekki veikindi í prófi og skili ekki vottorði, er hann skráður með fall í áfanganum. Nemandi getur þó óskað eftir því að fara í upptökupróf.

  Til að nemandi eigi kost á því að taka upptökupróf verður hann að skrá sig á heimasíðu Keilis í síðasta lagi tveimur virkum dögum fyrir prófið. Ef greiðsla og skráning hefur ekki verið framkvæmd á réttum tíma er ekki gert ráð fyrir nemandanum í prófið.

   Hámarks einkunn úr upptökuprófi er 7.

   

• 2.7 Fall á upptökuprófi

  Nemandi sem fellur á upptökuprófi eða sjúkraprófi getur sótt um að taka aukaupptöku­próf í lok skólaárs (maí). Eingöngu er hægt að sækja um að taka aukaupptökupróf í einu fagi standi það í vegi fyrir útskrift nemanda. Hámarkseinkunn sem nemandi getur fengið úr áfanganum er 7,0 (sjá kostnað í gjaldskrá).

3 Prófgjöld

4 Starfsfólk