Tilkynning frá Keili vegna hertra sóttvarnarráðstafana

English version

Vegna hertra sóttvarnarráðstafanna verður öllu skólahúsnæði Keilis, Menntaskólans á Ásbrú og Flugakademíu Íslands lokað frá og með fimmtudeginum 25. mars og færist öll kennsla á vegum skólans yfir í fjarnám um leið.

Við erum vel í stakk búin til þess að takast á við þessar breytingar og munu allir leggjast á eitt til þess að tryggja góða þjónustu við nemendur okkar á meðan á þessari tímabundnu ráðstöfun stendur. Keilir mun efla upplýsingaflæði til kennara og nemenda eins og frekast er kostur og bið ég ykkur að fylgjast vel með tilkynningum á heimasíðu skólans, tölvupóstum og skilaboðum á samskiptamiðlum.

Hjá Keili starfar frábær hópur kennara og starfsfólks sem mun gera sitt allra besta við þessar aðstæður.

Ég vil hvetja nemendur okkar til dáða í fjarnáminu og óska þeim góðs gengis.

Upplýsingasíða ráðuneytisins um áhrif sóttvarnaráðstafana á skólastarf: mrn.is/skolastarf

 

Jóhann Friðrik Friðriksson, 
framkvæmdastjóri Keilis


Tengt efni