Fara í efni

Nýsköpunarakademía Ferðaþjónustunnar

Markaðsstofa Reykjaness, Íslenski ferðaklasinn og Keilir - Miðstöð vísinda, fræða og atvinnulífs, hafa undirritað samkomulag um stofnun Nýsköpunarakademíu ferðaþjónustunnar.

Með stofnun akademíunnar verður til sameiginlegur vettvangur ferðaþjónustu, menntastofnana og hagsmunaaðila til að efla nýsköpun, fræðslu, endurmenntun og tengslanet, ásamt því að stuðla að framþróun, sjálfbærni og ábyrgri ferðaþjónustu sem og þverfaglegum innlendum og erlendum samstarfsverkefnum.

Á þeim fordæmalausu tímum sem nú eiga sér stað eru tækifæri til þess að búa til vettvang þar sem unnið er markvisst að helstu þáttum virðiskeðju ferðaþjónustunnar svo sem fræðslu, nýsköpun, samstarfsverkefnum og framþróun. Að auki hefur sjaldan verið jafn mikilvægt að hlúa að aðilum ferðaþjónustunnar og skapa frjótt umhverfi þar sem frumkvöðlar og hagsmunaaðilar fá tækifæri til að leiða saman krafta sína.

Vefsíða Nýsköpunarakademíunnar

Hafa samband

Staðsetning

Nýsköpunarakademía ferðaþjónustunnar er til húsa í frumkvöðlasetrinu Eldey sem er staðsett í aðalbyggingu Keilis. Áhersla er lögð á að vera leiðandi aðili í fjarnámsframboði fyrir ferðaþjónustuna og tryggja aðgengi sem flestra að námskeiðum, upplýsingafundum og fræðslu. 

Fjölbreytt námsframboð fyrir ferðaþjónustuna

Meðal fyrstu verkefna hinnar nýstofnuðu Nýsköpunarakademíu ferðaþjónustunnar verður að þróa úrræði fyrir fyrirtæki og einstaklinga úr greinum ferðaþjónustunnar, með áherslu á aðgengi að fjölbreyttum námskeiðum. Nú þegar hefur verið farið af stað með gerð á annan tug hagnýttra námskeiða sem munu auka færni og þekkingu þeirra sem tengjast ferðaþjónustu og hafa hug á vinnu við greinina í framtíðinni. Sérstaklega verður hugað að þeim einstaklingum sem hafa misst vinnu í kjölfar erfiðleika í ferðaþjónustunni undanfarið. Fyrirhugað er að kennsla hefjist í byrjun janúar og verða námskeiðin kennd í fjarnámi bæði á ensku og íslensku.

Yfirlit yfir námsframboð

Samstarfsaðilar

Stofnaðilar Nýsköpunarakademíu ferðaþjónustunnar trúa á bjarta framtíð ferðaþjónustunnar og vilja með samstarfi sínu leggja til vettvang sem hraðar mikilvægri þróun, býður uppá framúrskarandi fræðslu með áherslu á nýsköpun, vöruþórun og samstarfi ólíkra aðila í virðiskeðju ferðaþjónustunnar.

Samstarfsaðilar Nýsköpunarakademíu Keilis eru:

Ferðaþjónustutengt nám

Nýsköpunarakademían hefur undanfarið unnið að gerð fjölbreyttra námskeiða með áherslu á úrræði fyrir atvinnulausa einstaklinga úr ferðaþjónustunni. Þrátt fyrir tímabundna erfiðleika ferðaþjónustu hérlendis og erlendis er ljóst að það eru mýmörg tækifæri sem tengjast menntun, endurmenntun og þjálfun starfsfólks í ferðaþjónustu og tengdum greinum.

Námsleiðir

Nýsköpunarakademían býður tvennar námsleiðir með áherslu á úrræði fyrir atvinnulausa einstaklinga úr ferðaþjónustunni. Þrátt fyrir tímabundna erfiðleika ferðaþjónustu hérlendis og erlendis er ljóst að það eru mýmörg tækifæri sem tengjast menntun, endurmenntun og þjálfun starfsfólks í ferðaþjónustu og tengdum greinum. Frekari upplýsingar um námslínurnar og skráningu er að finna hér að neðan:

Ferðaþjónustutengd námskeið