Fara í efni

Öryggisnámskeið fyrir stjórnendur í fiskvinnslu

Farið er yfir ábyrgð og skyldur stjórnanda á vinnustað. Allur búnaður á að vera góður og öruggt skipulag verður að ríkja á vinnustað sem stjórnandi hefur umsjón með. Vinnuverndarlögin nr. 46/1980 eru kynnt og helstu reglugerðir sem falla undir þau.

Fjallað verður um vinnuverndarstarf, öryggisnefndir og áhættumat, hávaða, lýsingu, hættuleg efni og inniloft, líkamsbeitingu, andlegt og félagslegt vinnuumhverfi, einelti og áreitni.

Sérstaklega verður farið yfir forvarnir vegna vinnuslysa með áherslu á vélar, tæki og vinnuvélar. Að lokum verður fjallað um ábyrgð stjórnenda á öryggismenningu. Hugmyndafræði „Safety II“ verður kynnt stuttlega.

Uppbygging

Námskeið Vinnuverndarskóla Íslands byggjast upp á vendinámi. Þegar nemendur skrá sig á námskeiðið fá þeir senda fyrirlestra og lesefni sem þeir kynna sér áður en þeir koma í kennslustofu. Nemendur mæta undirbúnir í kennslustofu. Þar byrjar kennari á því að fara stuttlega yfir aðalatriði efnisins, svo eru umræður og unnin verkefni.

Fyrir hverja er námskeiðið?

Námskeiðið hentar stjórnendum í fiskvinnslu sem vilja bæta hjá sér vinnuumhverfið, fækka slysum og veikindadögum. 

Ávinningur

Aukin þekking á ábyrgð og skyldum stjórnenda varðandi vinnu og vinnuumhverfi. Einnig þekking á vinnuverndarmálum og tækifæri á að bæta hjá sér vinnuumhverfið, fækka slysum, veikindadögum og stuðla almennt að betri líðan starfsmanna.

Lengd

Undirbúningur heima eða á vinnustað og 5 klst. í kennslustofu.

Dagsetningar

Námskeiðið er haldið reglulega, bæði í Keili á Ásbrú í Reykjanesbæ og í húsnæði Rafmennt, Stórhöfða 27 í Reykjavík. Skráðu þig á póstlistann og fáðu tilkynningar þegar væntanleg námskeið hafa verið dagsett.

Verð, nánari upplýsingar og skráning

Námskeiðið kostar 29.900 kr. Innifalið eru öll námsgögn, aðgangur að kennslukerfi og fyrirlestrum, ásamt vinnu í kennslustofu.

Nánari upplýsingar veitir Guðmundur Kjerúlf, forstöðumaður Vinnuverndarskóla Íslands. Áður en námskeiðið hefst verður opnað fyrir aðgang þátttakenda að kennslukerfi og fyrirlestrum á netinu, og er ætlast til að þátttakendur hafi kynnt sér efnið áður en farið verður í kennslustofu.

Engar dagsetningar liggja fyrir eins og er, en áhugasamir geta skráð sig á biðlista hér fyrir neðan.

Skráning á biðlista