Fara í efni

Vinna í hæð - Fallvarnir

Hvað er vinna í hæð? Hvenær á að hefja undirbúning fyrir vinnu í hæð?

Meginmarkmið námskeiðsins er að kynna þátttakendum fjölda leiða sem hægt er að nota til að koma í veg fyrir fall úr hæð. Meðal annars er fjallað um frágang vinnupalla, notkun mannkarfa á vinnuvélum, skæralyftur, körfukrana, stiga, öryggisbelti og línu o.fl. Fjallað verður ítarlega um nýlega reglugerð um röraverkpalla (2018). Hægt er að fá námskeiðið metið sem hluta af námskeiði um röraverkpalla.

Uppbygging

Námskeið Vinnuverndarskóla Íslands byggjast upp á vendinámi. Viku áður en námskeið hefst fá þátttakendur senda fyrirlestra og lesefni sem þeir kynna sér áður en þeir koma í fjarkennslu í Teams. Í fjarkennslunni byrjar kennari á því að fara stuttlega yfir aðalatriði efnisins, svo eru umræður og verkefni. Kennslan byggist upp á fyrirlestri, myndum og spurningum.

Fyrir hverja er námskeiðið?

Alla sem þurfa að vinna í hæð eða eru að skipuleggja vinnu í hæð.

Ávinningur?

Aukin þekking á fallvörnum og meiri líkur á að koma í veg fyrir fallslys úr hæð.

Lengd

Undirbúningur heima eða á vinnustað og 2 klukkustundir í kennslustofu eða fjarkennslu.

Dagsetningar

Námskeiðið er haldið reglulega, bæði í Keili á Ásbrú í Reykjanesbæ og í húsnæði Rafmennt, Stórhöfða 27 í Reykjavík. Skráðu þig á póstlistann og fáðu tilkynningar þegar væntanleg námskeið hafa verið dagsett. Næstu námskeið eru sem hér segir:

  • Þriðjudaginn 9. mars klukkan 13-15 í fjarnámi
  • Þriðjudaginn 18. maí klukkan 13-15 í fjarnámi

Verð, nánari upplýsingar og skráning

Námskeiðið kostar 11.900 kr. á mann. Innifalin eru öll námsgögn, aðgangur að kennslukerfi og fyrirlestrum.

Nánari upplýsingar veitir Guðmundur Kjerúlf, forstöðumaður Vinnuverndarskóla Íslands. Vinsamlegast smellið á hlekkinn hér fyrir neðan til að skrá þátttakendur á námskeiðið.

Skráning á námskeið