Keilir - Miðstöð vísinda, fræða og atvinnulífs útskrifaði 132 nemendur af fjórum brautum af við hátíðlega athöfn í Andrews Theater á Ásbrú föstudaginn 5. júní.
47 nemendur útskrifuðust sem ÍAK þjálfarar úr Íþróttaakademíu Keilis, 39 einkaþjálfarar, 8 styrktarþjálfarar. Arnar Hafsteinsson, forstöðumaður Íþróttaakademíu Keilis flutti ávarp, Snjólfur Björnsson fékk viðurkenningu fyrir bestan námsárangur í ÍAK einkaþjálfun með 9,52 í meðaleinkunn og Eyþór Ingi Einarsson í ÍAK styrktarþjálfun með 9,06 í meðaleinkunn. Fengu þeir gjafabréf frá Sporthúsinu í Reykjanesbæ.
Þá brautskráðust fjórtan leiðsögumenn í ævintýraferðamennsku á vegum Keilis og Thompson Rivers University í Kanada. Þetta er annar hópurinn sem lýkur náminu, sem er átta mánaða háskólanám þar sem helmingur námsins fer fram víðsvegar um í náttúru Íslands. Elín Lóa Baldursdóttir, nemandi í ævintýraleiðsögunáminu, fékk gjöf frá GG sjósport sem viðurkenningu fyrir bestan námsárangur með 8.87 í meðaleinkunn og flutti hún einnig ávarp útskriftarnema.