Fara í efni

Algengar spurningar um leiðsögunámið

Vegna fjölda fyrirspurna höfum við sett inn svör við nokkrum af algengustu spurningum sem okkur hafa borist, ásamt tengli á heimasíðu TRU sem inniheldur mest allar upplýsingar að útlistun námsbrautarinnar.

Sérðu ekki svar við spurningunni þinni? Hafðu þá samband við okkur í tölvupósti.

Er hægt að taka þetta með vinnu?

Um er að ræða fullt nám og því ekki mælst til með að vera í vinnu samhliða. Hvort hægt sé að vera í hlutastarfi meðfram náminu er spurning um eðli vinnunnar og skipulagshæfileika hver og eins.

Er krafa um stúdentspróf?

Sömu forkröfur eru í námið og almennt eru í kanadíska háskóla. Samkvæmt inntökuskilyrðum TRU þarf íslenskur umsækjandi að hafa náð 19 ára aldri og hafa klárað stúdentspróf. Hægt er að veita undanþágur í ákveðnum tilvikum þar sem þó er krafist minnst helming eininga til stúdentsprófs.

Við mat á inntöku mun Keilir meta allar umsóknir eftir menntun, fyrri reynslu og útkomu úr inntökuviðtölum.

Er krafa um reynslu af fjallamennsku eða vatnasporti?

Nei – námið er grunnnám í ævintýraferðamennsku. 

Hvað kostar námið?

Allar upphæðir eru endurskoðaðar árlega miðað við þróun vísitalna og annarra þátta sem hafa áhrif á rekstur skólans. Tölur og dagsetningar settar fram með fyrirvara um villur.

Skólagjöld fyrir námsárið 2021-2022 eru 1.458.000 kr. Þegar umsókn er samþykkt, fær umsækjandinn reikning að upphæð 75.000 kr. sem er óendurkræft skráningargjald og dregst sú upphæð frá námsgjöldum haustannar.

Innifalið í skólagjöldum er aðgangur að sérhæfðu búnaði fyrir verklega áfanga, ásamt ferðum og gistingu á meðan á verklegum áfögnum stendur. Námsgjöldin ná ekki yfir gistingu og uppihaldi á meðan á bóklegum áföngum stendur eða þegar áfangar eru kenndir í og við Keili.

Námið er lánshæft hjá Menntasjóðs (áður Lánasjóður íslenskra námsmanna) og fellur undir Nám er tækifæri námsátaks VMST á komandi skólaári.

Er námið lánshæft?

Já. Leiðsögunám í ævintýraferðamennsku (Adventure Sport Certificate) er lánshæft hjá Menntasjóðs (áður Lánasjóður íslenskra námsmanna) og fellur undir Nám er tækifæri námsátaks VMST á komandi skólaári. Bæði er lánað fyrir skólagjöldum og framfærslu en það er persónubundið hvert hlutfall lána er til viðkomandi nemenda. Á vefsíðu LÍN má finna reiknivél sem hægt er að sjá hlutfall námslána.

Ath. að til að vera lánshæfur, þarf nemandi að vera skráður í fullt nám, eða 60 ECTS einingar á tveimur samliggjandi önnum.

Hvað þarf ég að eiga af búnaði?

Smelltu hér til að sjá lista af búnaði sem mælt er með að eiga í þegar komið er í námið. Listinn er á ensku.

Hverjir kenna í náminu?

Flestir kennarar námsins eru menntaðir frá Thompson Rivers University og allir hafa þeir viðamikla reynslu í hinum ýmsu störfum innan ferðamannageirans.

Hvenær hefst námið?

Kennsla fyrir námsárið 2021 - 2022 hefst í lok ágúst 2021. Umsóknarfrestur um nám er til júní 2021. Þann 1. október 2021 verður opnað fyrir umsóknir á haustönn 2022.

Hversu mikill er bóklegi hluti námsins?

Rúmlega helmingur námsins er verkleg kennsla og fer megnið af henni fram víðsvegar um í náttúru Íslands. Fjórir áfangar af tólf í náminu eru bóklegir en að auki eru tveir áfangar að hluta til á bókina. Bóklegir áfangar eru að mestu kenndir yfir vetrarmánuðina nóvember til febrúar. Stefnt er á að blanda bóklegri kennslu með staðarnámi og fjarnámi í framtíðinni.