Fara í efni

Adventure Guide Certificate (AGC)

Thompson Rivers University í Kanada býður upp á spennandi leiðsögunám á Íslandi sem ber nafnið Adventure Guide Certificate (AGC) í samstarfi við Heilsuakademíu Keilis. Um er að ræða 60 eininga (ECTS), átta mánaða nám á háskólastigi sem hentar vel þeim sem hafa mikinn áhuga á ferðaþjónustu og útivist við skemmtilegar og krefjandi aðstæður. Útskrifaðir nemendur hafa möguleika á að vinna á óhefðbundnum og fjölbreyttum starfsvettvangi með góðum starfsmöguleikum víða um heim í ört vaxandi atvinnugrein. 

Boðið hefur verið upp á námið frá því í ágúst 2013 og hafa um hundrað nemendur útskrifast úr náminu síðan þá, íslenskir sem erlendir. Hlutfall erlendra nemenda hefur aukist á milli ára og eru nú um helmingur nemenda af erlendu bergi brotnir. Námið er lánshæft hjá Menntasjóði námsmanna

Thomson Rivers University

Thomson Rivers University (TRU) í Kanada býður uppá eitt virtasta og yfirgripsmesta nám í Adventure Guide sem völ er á. Skólinn skapar einstaka námsupplifun sem þróar með nemandanum líkamlegan, andlegan og tilfinningalegan þroska, einstaka leiðtogafærni og hæfni til sem nýtist á alþjóðlegu sviði ferðaþjónustunnar. Nú þegar hafa nokkrir íslenskir leiðsögumenn lokið námi við skólann. 

Að AGC námi loknu geta nemendur haldið áfram námi innan Adventure Studies deildar TRU í Adventure Guide Diploma, Adventure Management Diploma eða í fullt nám til BS gráðu í Adventure of Tourism Management.

 

Inntökuskilyrði

Umsækendur þurfa að vera a.m.k. á 19. aldursári og hafa lokið minnst helming eininga til stúdentsprófs, eða um 100 einingum. Við mat á umsóknum er tekið tillit til fyrri reynslu og útkomu úr inntökuviðtölum. 

Þar sem um er að ræða grunnám er ekki gerð krafa um fyrri reynslu af fjallamennsku eða vatnasporti þó svo að hún sé ávallt metin til hins góða.

Spyrjast fyrir um inntökuskilyrði

Samsetning náms

Rúmlega helmingur námsins er verkleg kennsla og fer megnið af henni fram víðsvegar um í náttúru Íslands. Fimm áfangar námsins af þrettán eru bóklegir en að auki eru tveir áfangar að hluta til á bókina. Bóklegir áfangar eru að mestu kenndir yfir vetrarmánuðina nóvember til febrúar. Stefna Keilis er að blanda bóklegri kennslu með staðarnámi og fjarnámi svo nemendur hafi frelis til þess að sinna námi á þeim tíma sem hentar hverjum og einum. Kennarahópur námsins er alþjóðlegur, og starfa bókgreinakennarar við aðra alþjóðlega háskóla ásamt því að verk kennarar eru alþjóðlega viðurkenndir. Viðamikil reynsla er í kennarahóp námsins og er þeirra markmið að þjónusta hvern og einn nemenda að ná sínum persónulegu markmiðum. Kennarar koma bæði frá Íslandi og erlendis frá, en námið fer allt fram á Ensku.

Um er að ræða fullt nám og því ekki mælst til með að vera í vinnu samhliða. Hvort hægt sé að vera í hlutastarfi meðfram náminu er spurning um eðli vinnunnar og skipulagshæfileika hver og eins.

Námið byggir að miklu leyti á vettvangsnámi í náttúrunni ásamt þéttri dagskrá í bóklegum fögum. Allar einingar námsins eru matshæfar í framhaldsnám innan TRU á sviði Adventure Studies.

Smelltu hér til að sjá áfangalýsingar námsins - enska

Búnaður

Listi yfir búnað (á ensku) Mikilvægt er að nemendur taki sér tíma í að verða sér út um búnað. 

Nánari upplýsingar

Nánari upplýsingar um námið veitir Ragnar Þór Þrastarson, Fagstjóri AGC námsins.

  • Námið er lánshæft hjá Menntasjóði íslenskra námsmanna (áður Lánasjóður íslenskra námsmanna)

Sækja um

 

Besta við vinnuna mína er að fá að kynnast svona mörgum og sýna fólki ótrúlega landið okkar. Námið opnaði margar dyr fyrir mér.

Bergrún Helgadóttir, ævintýraleiðsögumaður