Verðskrá Flugakademíu Íslands

Við bjóðum upp á þjálfun á samkeppnishæfu verði án þess að fórna gæðum. Ísland býr yfir langri flughefð sem gegnir stöðugt mikilvægu hlutverki í innviðum landsins. Það hefur greitt fyrir jákvæðum aðstæðum fyrir flugfélög og flugskóla, og gjöldin fyrir að fá leyfi og hafa það eru almennt lægri en í öðrum löndum. Að auki eru engin lendingargjöld og það ásamt sparneytnum flugvélum okkar þýðir að við getum boðið upp á afar samkeppnishæft verð.

Almennt

• Allt nám skólans er almennt greitt fyrirfram samkvæmt námsmannasamningi. Öll innborgun fer á innistæðu viðskiptavins sem er honum aðgengileg hjá bókhaldsdeild skólans meðan á námi stendur. Allt verklegt flugnám er dregið er frá innistæðu að loknu flugi.
• Bókleg námsskeið eru gjaldfærð frá innistæðu nemanda tveim vikum áður en það hefst eða eftir nánara samkomulagi við fjármálasvið skólans.
• Greiðslum er almennt dreift yfir lengri námstímabil þannig að gert sé ráð fyrir nægri innistæðu fyrir þjálfun á hverjum tíma.
• Hægt er að skipta eða dreifa greiðslum gegn þjónustugjaldi.
• Greiðsluseðlar eru almennt sendir út með tölvupósti og birtast þá ekki á heimabanka. Upplýsingar um greiðsluform berast í sama pósti.

Greiðslumiðlar

• ef greitt er með American Express, þá bætist við 2.9% aukagjald
• ef greitt er með öðrum kreditkortum bætist við 1.7% aukagjald

Erlendir Gjaldmiðlar

Þar sem nám skólans eru einnig markaðssett erlendis geta mörg námsskeið og verð þeirra verið umbreytt í erlendan gjaldmiðil.

• Ef námið er gefið upp í erlendum gjaldmiðli gildir miðgengi Seðlabanka Íslands á þeim degi sem greiðslan er ynnt af hendi. Dragist greiðsla fram yfir eindaga skal miðast við gengi á eindaga, en búast má við reikningi fyrir dráttarvöxtum.
• Þegar verð miðast við erlendan gjaldmiðil, er það umreiknað verð frá íslenskum krónum og einungis til upplýsinga þar sem gengið er breytilegt frá degi til dags.Erlendir gjaldmiðlar, ef þeir eru birtir á heimasíðu, eru því til upplýsinga á eftirfarandi gengi. Athugið að gengið er uppfært handvirkt á heimasíðu en hægt er að nálgast nákvæmari upplýsingar á heimasíðu Seðlabanka Íslands.

Fyrirvari: Skólinn áskilur sér rétt til fyrirvaralausra breytinga á verðskránni, ef tilefni er fyrir hendi t.d. vegna breytinga á kjarasamninga og annara utanaðkomandi gjalda og þátta sem geta haft áhrif á verðlagningu skólans.

Eftirfarandi verð eru tímaverð flugkennara samkvæmt kjarasamningi við FÍA – Félags Íslenskra Atvinnuflugmanna.

• Athugasemd 1:  Ekki er gefinn afsláttur af tímaverði flugkennara, þar sem um kjarasamningsbundin réttindi er að ræða.
• Athugasemd 2:  Skólinn áskilur sér rétt til fyrirvaralausra verðbreytinga á tímaverði flugkennara sem geta orðið vegna kjarasamningsbundinna réttinda, eða breytinga sem stjórnvöld geta ákveðið í samræmi við breytingu á tekjutengdum ákvæðum, s.s. sköttum, álagningu, afsláttum o.s.fr.

Einkaflugmannsnáminu er skipt í bóklegt og verklegt nám.

Bóklegt nám: ISK 285.000

Bóklegt nám inniheldur alla kennslu og kennslugögn, aðgang að kennslukerfi og þjálfunarbúnað til eignar svo sem plotter, flugreiknistokkur og sjónflugskort. Prófgjöld Samgöngustofu fyrir bókleg próf eru ekki innifalin.

Verklegt nám: Tímaverð samkvæmt einingaverði

Verklegi hluti námsins felur í sér að lágmarki 45 tíma í eins-hreyfils flugvél,  DA-20-C1 eða Technam P2002-JF, ásamt viðeigandi kennslu og kennslugögnum.  Nemandi greiðir flugtíma og flugkennslu á verði skv. verðskrá hverju sinni. Gjöld Samgöngustofu og prófdómara fyrir verkleg og bókleg próf eru ekki innifalin. Leiga á flugvél vegna verklegs prófs er ekki innifalin.

Einkaflugmannspakki (Verklegt og bóklegt nám): ISK 1.690.000

Allt bóknám og 45 klst verknám í eins-hreyfils flugvél,  DA-20-C1 eða Technam P2002-JF, ásamt viðeigandi kennslu og kennslugögnum er innifalið.  Verð einkaflugmannspakka miðast við að allt nám sé tekið á ofangreindum flugvélum. Gjöld Samgöngustofu og prófdómara fyrir verkleg og bókleg próf eru ekki innifalin. Leiga á flugvél vegna verklegs prófs er ekki innifalin.

Samtvinnað atvinnuflugmannsnám inniheldur þjálfun frá fyrsta flugi og þar til nemandi útskrifast með full réttindi sem atvinnuflugmaður.

Samtvinnað Atvinnuflugmannsnám (IATPL) : ISK 10.790.000

Námið er lánshæft hjá Menntasjóði námsmanna

Innifalið í námsgjöldum

• Öll nauðsynleg námsgögn
• ATPL námsbækur frá OAA - Oxford Aviation Academy
• Aðgangur að kennslukerfi skólans og OAA
• Allur nauðsynlegur útbúnaður fyrir bóklega þjálfun (Plotter, flugreiknistokkur, Jeppesen leiðarbækur ofl.)
• Skyrtur, bindi og strípur
• Bókleg skólapróf samkvæmt námsáætlun, að undanskyldu því sem hér að neðan.

Ekki innifalið í námsgjöldum

• Upptökupróf / Endurtektarpróf / frestun á skólaprófi - sjá verðskrá skólans
• Prófgjöld bóklegra prófa Samgöngustofu
• Heilbrigðisskoðanir fluglækna
• Prófgjöld verklegs prófdómara Samgöngustofu
• Skírteina- og umsóknagjöld Samgöngustofu   

Áfangaskipt atvinnuflugnám er samsett mörgum áföngum. Allir áfangar innihalda nauðsynlega kennslu og kennslugögn.

• MCC áhafnasamstarfsnámskeið: ISK 500.000
• JOC þotuþjálfunarnámskeið: ISK 400.000
• MCC og JOC saman: ISK 800.000
• APS MCC : TBA
  

Umsýslugjald vegna endurnýjunnar réttinda: 5000 ISK

Til að viðhalda færni og áritunum þarf flugmaður reglulega að mæta vissum kröfum reglugerða um flugskírteini. Keilir býður uppá upprifjunarþjálfun fyrir upprifjun, framlengingu eða endurnýjun áritanna og er algengustu framlengingum og endurnýjunum er líst hér að neðan. Í öllum tilvikum má senda fyrirspurnir og beiðnir á flugakademia@keilir.net.

Öll þjálfun og útleiga miðast við gildandi verðskrá og einingarverð. Þjálfun gerir ráð fyrir viðeigandi kennslu og kennslugögnum ásamt útleigu viðeigandu flugvélar til hæfni- eða færniprófs með prófdómara en prófgjöld eru hins vegar ekki innifalin.

Ef skírteini er útgefið af öðru aðildarríki EASA en Íslandi ber flugmanni að kynna sér allar viðeigandi kröfur og reglugerðir er lúta að þjálfuninni en alla jafna þarf prófdómari að hafa hlotið samþykki af viðeigandi aðildarríki áður en sótt er um hæfni- eða færnipróf.