Um Flugakademíu Keilis - Flugskóla Íslands

Flugakademía Keilis - Flugskóli Íslands býður upp á flugnám í fremstu röð. Í byrjun árs 2019 festi Flugakademía Keilis kaup á Flugskóla Íslands, einum elsta starfandi flugskóla landsins, og eru samanlagðir skólar nú einn öflugasti flugskóli á Norðurlöndunum með rúmlega tuttugu kennsluvélar, fullkomna flugherma og á þriðja hundrað flugnema.

Lögð er áhersla á nútímalega kennsluhætti og eru kennsluvélar skólans þær nýjustu og tæknivæddustu á landinu. Boðið er upp á námið bæði á höfuðborgarsvæðinu og á Ásbrú, auk þess sem hægt verður að leggja stund á hluta bóklegs náms í fjarnámi. Rétt eins og áður mun verkleg flugkennsla fara fram á bæði alþjóðaflugvellinum í Keflavík og Reykjavíkurflugvelli. 

Flugtengt nám er gríðarlega spennandi og flugiðnaðurinn er í stöðugum vexti. Á næstu 20 árum þarf að þjálfa 500.000 flugmenn til að fljúga flugvélum framtíðarinnar miðað við spár flugvélaframleiðandanna Airbus og Boeing. Það eru 68 nýjir flugmenn á hverjum einasta degi í 20 ár. Við hlökkum til að vinna með þér á sviði flugsins.