Konum í flugnámi fer fjölgandi

Rut Sigurðardóttir, ljósmyndari, tók þessar myndir af kvenkyns nemendum Flugakademíu Keilis í byrjun…
Rut Sigurðardóttir, ljósmyndari, tók þessar myndir af kvenkyns nemendum Flugakademíu Keilis í byrjun nóvember 2018.

English version

Starfsfólk mennta- og þjónustusviðs Keilis tók nýverið saman tölulegar upplýsingar um nemendur og skóla Keilis. Gögnin voru svo unnin og efni þeirra birt á myndrænan hátt sem áhugasamir geta glöggvað sig á vef skólans.

Nemendum við Flugakademíu Íslands fer enn fjölgandi en 268 nemendur stunda nú nám við skólann. Þar af leggja flestir stund á atvinnuflugmannsnám eða 231. Fjórðungur nemenda skólans eru konur en hefur þeim farið ört fjölgandi á undanförnum árum, 37 konur stunduðu atvinnuflugnám við Keili árið 2018 en nú eru þær 65 talsins.

Meðalaldur nemenda er 26 ár. Yngstir eru nemendur í einkaflugmannsnámi en meðalaldur þeirra er 23 ár, en aldurstakmark í það nám er lægra en í atvinnuflugmannsnámið eða 16 ára í stað 18. Hæst hlutfall nemenda, 68%, er búsett á höfuðborgarsvæðinu en 18% búa á Reykjanesinu.

Við Flugakademíu Íslands starfa 84 kennarar. Flestir þeirra starfa eða hafa starfað sem atvinnuflugmenn hjá flugfélögunum og margur hver stundað nám við skólann. Þar af kenna 60 verklegan hluta námsins og eru 3 nemendur í þjálfun fyrir hvern verklegan flugkennara. Þá starfa einnig flugumferðarstjórar og veðurfræðingur við kennslu. Skólinn rekur 18 kennsluvélar, átta fjögurra sæta vélar og tíu tveggja sæta.

Flugakademía Íslands í tölum


Tengdar fréttir