Endurþjálfunarnámskeið flugkennara (FI-IRI-CRI Refresher Course)

Endurþjálfunarnámskeiðið er ætlað þeim flugkennurum sem eru þegar handhafar FI/IRI/CRI (A) flugkennaraáritunar og þurfa að uppfylla ákvæði Part FCL reglugerðar um viðhald eða endurnýjun áritunar.  Að loknu námskeiði verður gefin út skjal af hálfu Flugakademíunnar til staðfestingar á setu námskeiðs og nota ber við endurnýjun flugkennaravottunar hjá Samgönguyfirvöldum.

  • Námskeiðið er tveggja kvölda námskeið og er haldið kl. 17:00 - 22:00 í tvö kvöld, með fyrirvara um lágmarksþáttöku.
  • Staðsetning: Námið fer fram í húsnæði Flugakademíu Íslands að Flatahrauni í Hafnarfirði.
  • Athugið að reglugerðarákvæði er að sitja báða daga námskeiðs.
  • Skráning fer eingöngu fram í gegnum heimasíðu skólans.

Dagskráin er haldin í samræmi við ákvæði Part FCL skirteinareglugerðar og ítarefnis AMC1 FCL.940.FI(a)(2), þar sem farið yfir eftirfarandi efni;

  1. Nýjar eða núgildandi reglur eða reglugerðir, með áherslu á Part FCL og starfrækslu loftfara.
  2. Kennslufræði
  3. Kennslutækni
  4. Hlutverk kennara
  5. Breytingar á landsreglugerðum i flugi
  6. Mannleg geta
  7. Flugöryggi, forvarnir vegna flugatvika og flugóhappa
  8. Flugmennska
  9. Lagaleg úrræði í flugkennslu og framkvæmd þeirra
  10. Færni í flugleiðsögu, með áherslu á nýjan eða núverandi leiðsögubúnaði
  11. Að kenna blindflug
  12. Veðurfarsleg atriði ásamt öflun þeirra
  13. Hvert það atriði sem skólinn eða samgönguyfirvöld vilja koma á framfæri.

Verð fyrir námskeiðið er ISK 22.000 (sjá Verðskrá Flugakademíu Íslands)

Stéttarfélög bjóða oft uppá að standa straum af slíkum námsskeiðum og eru umsækjendur hvattir til að leita sér upplýsinga hjá sínu stéttarfélagi. Starfsmenntasjóður FÍA styrkir félagsmenn FÍA á námskeið, miðað við úthlutunarreglum starfsmenntasjóðsins. Afrit af útskrift námskeiðs og kvittun skólans vegna námskeiðsgjalds, er forsenda endurgreiðslu starfsmenntasjóðs FÍA. 

Umsókn og næstu námskeið

Vinsamlegast hafið samband við Flugakademíu Íslands fyrir nánari upplýsingar og skráningu á námskeiðið. Upprifjunarnámsskeið eru jafnan haldin samhliða flugkennaranámsskeiðum og miðast oft dagssetning við þau námskeið.

    Námsframboð