Flugkennaranám

Flugkennaraskírteinið (FI) undirbýr þig fyrir flugkennarahlutverkið. Á þessu 12 vikna námskeiði lærir þú hvernig á að undirbúa leiðbeiningar og veita verklega flugþjálfunartíma. Farið verður yfir helstu atriði kennslufræðinnar, sálfræði, mannlegrar getu og afköst samtvinnað við kennsluaðferðir, framkvæmd kennslu flugæfinga, meðhöndlun mistaka flugnema, gerð kennsluáætlana og notkun kennslutóla, auk skjalavistunar og gerð prófa og annara skjala. Einnig er farið í fyrirlestrasmíði og framsögu sem er kennt og þjálfað með styttri og lengri fyrirlestrum í kennslustofu ásamt tækni í vendinámi.

Flugkennaranámið er góð leið til að öðlast frekari reynslu eftir að þú hefur lokið við atvinnuflugmannsnámið, og það veitir þér tækifæri til að bæta flugmannshæfileika þína sem eru eftirsóttir af flugrekendum, s.s. samvinnu tveggja flugmanna, greina hættur og grípa inn í þegar þess gerist þörf og leiðbeina öðrum flugmanni í réttan farveg.

  • Bóklegt flugkennaranám

    Kennslutækni (Teaching and Learning)

    Kjarni kennslufræðinnar eru kennd á um 2-3 vikum þar sem farið er yfir helstu atriði kennslufræðinnar, sálfræði, mannlegrar getu og afköst samtvinnað við kennsluaðferðir. Einnig er farið í fyrirlestrasmíði og framsögu sem er kennt og þjálfað með styttri og lengri fyrirlestrum í kennslustofu ásamt tækni í vendinámi.

    Æfing

    Næsti hluti bóklegrar kennslu felst að mestu leiti um æfingu,undir leiðsögn leiðbeinanda, þar sem nemendur læra að beita fyrrgreindum fræðum og aðferðum. Er þá nemendum ýmist gert að undirbúa sig og æfa heima, með öðrum samnemendum eða raunverulegum nemendum í stuðningshópum. Með þessu gagnvirka námi fá nemendurnir krefjandi verkefni og reynslu með raunverulegum nemendum ásamt leiðsögn frá reyndum kennurum.

  • Námsyfirlit

    Flugakademía Keilis býður upp á sex vikna námskeið fyrir verðandi flugkennara (Flugkennaraáritun) sem undirbýr þig fyrir alla þætti flugkennslu. Námskeiðið tekur á undirbúningi flugtíma og framkvæmd kennslustunda.

    Að öllu jöfnu er námskeiðið haldið tvisvar á ári, Mars og Október.

    Bóklegur hluti námsins er 125 stunda kvöldnámskeið sem er kennt á kvöldin.  

    Verklega þjálfunin eru 30 flugkennslustundir sem má taka samhliða bóklega hlutanum eða eftir hann.

    Námskeiðið veitir réttindi til flugkennslu. Náminu skal vera lokið innan 6 mánaða frá upphafi námskeiðsins.

    • Bóklegt flugkennaranám

      Kennslutækni (Teaching and Learning)

      Kjarni kennslufræðinnar eru kennd á um 2-3 vikum þar sem farið er yfir helstu atriði kennslufræðinnar, sálfræði, mannlegrar getu og afköst samtvinnað við kennsluaðferðir. Einnig er farið í fyrirlestrasmíði og framsögu sem er kennt og þjálfað með styttri og lengri fyrirlestrum í kennslustofu ásamt tækni í vendinámi.

      Æfing

      Næsti hluti bóklegrar kennslu felst að mestu leiti um æfingu,undir leiðsögn leiðbeinanda, þar sem nemendur læra að beita fyrrgreindum fræðum og aðferðum. Er þá nemendum ýmist gert að undirbúa sig og æfa heima, með öðrum samnemendum eða raunverulegum nemendum í stuðningshópum. Með þessu gagnvirka námi fá nemendurnir krefjandi verkefni og reynslu með raunverulegum nemendum ásamt leiðsögn frá reyndum kennurum.

    • Verklegur hluti námsins

      Verkleg þjálfun samanstendur af 30 kennslustundum í flugvél og flughermi með reyndum flugkennara ásamt æfingu og reynslu í kennslu í fyrir- og eftirflugskennslu.

      Hérna sameinast kennslufræðin, flugfærnin og aðferðir við að sýna, styrkja og leiðbeina flugnemum við hinar ýmsu aðstæður. Nemendur æfa sig í 25 klst með reyndum kennara og 5 klst með öðrum flugkennaranema.

  • Inntökuskilyrði

    Umsækjandi skal annað hvort vera handhafi að:
    • CPL(A) flugskírteini
    • PPL(A) flugskírteini, með heildarfartíma 200 klst, þar af 150 klst sem flugstjóri (PIC) og hafa lokið bóklegu ATPL(A) námi.
    Einnig skal umsækjandi að námskeiði uppfylla eftirfarandi skilyrði:
    • Vera með 30 klst fartíma á SEP (einshreyfils flugvél með bulluhreyfli), þar af skulu 5 klst vera flognar s.l. 6 mánuðum fyrir inntökuprófið að námskeiðinu.
    • 10 klst fartímar fengnir í blindflugi, þar af mega 5 klst vera í flugaðferðarþjálfa (FNPT) eða flughermi.
    • 20 klst fartíma í landflugi (cross country) sem flugstjóri (PIC), þar af skal eitt flug vera 300 NM að lengd, með tveimur stöðvunarlendingum á mismunandi flugvöllum öðrum en brottfararflugvelli.
    • Standast verklegt inntökuflugpróf með flugkennara sem er tilnefndur af yfirflugkennara.  Inntökuflugpróf má þreyta allt að 6 mánuði fyrir upphaf námskeiðs.
    • Vera handhafi að 1. flokks flugheilbrigðisvottorði.

  • Verð og næsta námskeið

    Sjá verðskrá

    Verðskrá Flugakademíu Keilis - Flugskóla Íslands (gildir frá 1. maí 2019)

    Næsta námskeið - Hér

     

  • Upprifjanir, endurnýjanir og viðbótaráritanir

    Flugkennarar halda við eða auka réttindi sín sem flugkennarar bæði með reynslu og námsskeiðum.

    • Upprifjunarnámsskeið flugkennara (FI Refresher Course)

      Upprifjunarnámsskeið flugkennara er eins til tveggja daga námsskeið og er nauðsynlegur þáttur í að viðahalda réttindum flugkennarans. Efni námsskeiðsins er breytilegt hverju sinni og tekur á kennslutækni, breytingum á reglugerðum, öryggi í flugi osfrv.

      Verðskrá Flugakademíu Keilis - Flugskóla Íslands (gildir frá 1. maí 2019)

      Stéttarfélög bjóða oft uppá að standa straum af slíkum námsskeiðum og eru umsækjendur hvattir til að leita sér upplýsinga hjá sínu stéttarfélagi.

      Umsókn og næstu námskeið

      Vinsamlegast hafið samband við Flugakademíu Keilis á solon@keilir.net fyrir nánari upplýsingar og skráningu á námskeiðið. Upprifjunarnámsskeið er haldið samhliða flugkennaranámsskeiðum og miðast dassetning við upphaf þess. Nákvæmar dagssetningar upprifjunarnámsskeiðsins er svo tilkynnt með nokkurra vikna fyrirvara.

       

    • Blindflugkennaraáritun (IRI - Instrument Rating Instructor)

      Blindflugskennaraáritun felur í sér styttra bóklegt og verklegt nám en lengd námsins fer eftir fyrri reynslu og réttindum umsækjanda. Innifalið í náminu er nauðsynleg kennsla í flughermi og efni.

      Verðskrá Flugakademíu Keilis - Flugskóla Íslands (gildir frá 1. maí 2019). Umfang náms er breytileg eftir réttindum og reynslu kennarans.

      Næstu námskeið

      Nákvæmar dagssetningar bóklega hluta námskeiðsins er svo tilkynnt með nokkurra vikna fyrirvara.

       

    • Flokksáritunarkennararéttindi (CRI - Class Rating Instructor)

      Flokksráritunarkennararéttindi fela í sér styttra bóklegt og verklegt nám en lengd námsins fer eftir fyrri reynslu en bóklegt nám inniheldur 10 kennslustundir og kennsluefni.

      Verðskrá Flugakademíu Keilis - Flugskóla Íslands (gildir frá 1. maí 2019)

      Handhafar flugkennararéttinda geta hafið nám hvenær sem er en annars eru bókleg námsskeið kennd samhliða bóklegum flugkennararéttindum.

       

Námsframboð