Verklegt Atvinnuflugmannsnám (CPL/ME/IR)

Námið samanstendur af þremur megin áföngum og tekur að jafnaði um 4-8 mánuði. Umsækjandi getur einnig valið um að taka staka áfanga og geta þá kröfur og umfang náms breyst lítillega.

  • Blindflugsáritun (IR)

    Blindflugsáritunin veitir einka- eða atvinnuflugmanninum réttindi til að fljúga í blindflugsskilyrðum. Áritunin fylgir annaðhvort eins-hreyfils, eða bæði eins- og tveggja hreyfla tegundarárituninni (SEIR - Single-engine instrument rating, eða MEIR - Multi-engine instrument rating)

    Námið hefst á um 40 tímum á eins-hreyfils DA40, og lýkur á 15 tímum á tveggja-hreyfla DA42 flugvél ásamt færniprófi með prófdómara.

    Við upphaf áfanga skal umsækjandi:

    • vera handhafi einka- eða atvinnuflugmannsskírteinis (PPL eða CPL)
    • hafa flogið að lágmarki 50 cross-country tímum*

    Við lok áfanga skal umsækjandi

    • hafa lokið að fullnustu ATPL bóklegum prófum hjá samgöngustofu
    • ljúka færniprófi með prófdómara
  • Fjölhreyfla Áritun (MEP Class Rating)

    Fjölhreyfla áritunin veitir einka- eða atvinnuflugmanninum réttindi til að fljúga fjölhreyfla flugvél. Námið samanstendur af 6 klukkustundum í flugvél ásamt viðeigandi kennsla og kennsluefni, en í beinu framhaldi eru svo verklegir atvinnu- og blindflugsáfangar á tveggja hreyfla vél sem styrkja þekkingu og færni á vélinni frekar.

    Við upphaf áfanga skal nemandi:

    • vera handhafi einkaflugmannsskírteinis (PPL - Private Pilot License)
    • hafa flogið 70 flugtímum sem flugstjóri (PIC - Pilot-in-command)
    • hafa flogið 100 klukkustundum sem flugmaður
  • Verklegt Atvinnuflugmannsnám (CPL Commercial Pilot License)

    Verklegt atvinnuflugmannsnám veitir flugmanni réttindi til atvinnu sem flugmaður eftir þeim áritunum sem flugmaðurinn er handhafi að. Hjá Keili lýkur verklega náminu á fjölhreyfla DA42 og hefur viðkomandi því réttindi á slíkar tegundir af flugvélum í sjónflugi að námi loknu.

    Áfanginn eru 25 kennslustundir í flugvél en 10 þeirra eru sameiginlegir með blindflugsáritun. 20 tímar eru því flognir á eins-hreyfils DA20 eða DA40 og líkur náminu á 5 tímum í fjölhreyfla DA42 og færniprófi með prófdómara.

    Við upphaf áfanga skal nemandi:

    • vera handhafi einkaflugmannsskírteinis
    • vera handhafi fyrsta flokks heilbrigðisskírteinis
    • hafa flogið 150 klukkustundir sem flugmaður 
    • hafa lokið þjálfun fyrir tveggja hreyfla bulluhreyfilsflugvél (multi-engine piston class rating)

    við lok áfanga skal nemandi:

    • hafa lokið að fullnustu ATPL bóklegum prófum hjá samgöngustofu
    • hafa flogið 200 klukkustundir sem flugmaður