Samtvinnað atvinnuflugnám

Námið hefst næst 10. janúar 2020. Keilir Flugakademía – Flugskóli Íslands er með samtvinnað atvinnuflugmannsnám sem hannað er fyrir þá sem hafa enga flugreynslu og vilja öðlast atvinnuflugmannsréttindi að námi loknu.

Námið, bæði bóklega og verklega, er að öllu leiti skipulagt af skólanum. Það tekur um 18-24 mánuði að ljúka náminu og skuldbindur nemandi sig til að stunda það eingöngu á meðan á námstíma stendur. Nemandi getur því ekki reiknað með að vinna eða stunda annað nám meðfram því. Námið er lánshæft hjá LÍN - Lánasjóði íslenskra námsmanna sem 4 anna nám.

Námið er mjög sérhæft og leggur áherslu á markmið þitt um að verða atvinnuflugmaður hjá flugfélagi á borð við Icelandair, SAS, Norwegian, Ryanair og fleiri evrópsk flugfélög. Þú munt að námi loknu getað sótt um störf hjá hvaða evrópskum flugrekanda sem er innan evrópska efnahagssvæðisins, sem krefst EASA flugskírteinis. Um það bil 90% nemenda okkar sem hafa lokið þessu námi hafa fundið starf innan eins árs frá útskrift.

Nánari upplýsingar um samtvinnað atvinnuflugnám


Tengt efni