Sveiflur sem koma og fara

Hildur Þórisdóttir Kjærnested og Leó Freyr Halldórsson
Hildur Þórisdóttir Kjærnested og Leó Freyr Halldórsson

Leó Freyr Halldórsson, flight operations manager hjá Flugakademíu Íslands og Hildur Þórisdóttir Kjærnested sem útskrifaðist úr atvinnuflugnámi hjá Flugakademíunni árið 2019 ræddu flugnámið, framann og atvinnuhorfurnar í síðasta þætti Flugvarpsins.

Í lýsingu þáttarins segir "Þrátt fyrir heimsins mestu kreppu í atvinnuflugi eru nú um 300 manns að stunda verklegt flugnám við Flugakademíu Íslands, stærsta flugskóla landsins og fjöldi fólks sem kláraði námið rétt fyrir kreppuna bíður þess að ástandið batni. Í þætti #21 er rætt við tvo fulltrúa úr þessum hópi ungra flugmanna á Íslandi."

Eins og áður segir útskrifaðist Hildur með skírteini atvinnuflugmanns árið 2019 um námið segir Hildur “Ég ákvað að velja samtvinnað atvinnuflugnám hjá Keili, ég var búin að skoða nokkrar leiðir – eða nokkrar leiðir, það eru tvær leiðir í boði modular og svo þetta samtvinnaða og af því ég hafði ekki neina reynslu af flugi áður nema sem flugfreyja þá fannst mér þetta liggja beinast við þar sem skólinn heldur svolítið á þér í gegnum námið. Þú bara greiðir þrjár greiðslur og svo mætirðu bara. [...]þetta er svolítið matað ofan í mann og þetta er vel skipulagt og það hentaði mér bara vel á þessum tíma að fara í gegnum þetta svona.”

Hildur útskrifaðist rétt áður en kófið skall á og hefur því fengið að finna nokkuð fyrir áhrifum þess á flugiðnaðinn, hún er þó vongóð um framtíðar frama sem flugmaður, segist ekki sjá fyrir sér starfsframa í neinu öðru.

Leó Freyr Halldórsson gegnir stöðu Flight operations manager hjá Flugakademíu Íslands. Leó Freyr er sjálfur í flugnámi samhliða vinnunni og segir frá flugnáminu og þeim leiðum sem hægt er að fara til að láta drauminn rætast og læra fjúga. Varðandi núverandi ástand segir hann “Eins og við tölum alltaf um lægðir þá er þetta náttúrulega rétti tíminn til þess að fara að læra því þú villt náttúrulega vera tilbúinn þegar að kallið kemur sko. Og ég held að flestir okkar nemendur og þeir sem eru að spá í flugnámi yfir höfuð og eru að sækjast í nám í dag geri sér grein fyrir því.[…]Svo þegar að náminu líkur þá eru atvinnumöguleikar væntanlega fleiri og þú ert bara tilbúinn til þess að fara í næsta part“

 

Hægt er að hlusta á hlaðvarpið í heild sinni hér


Tengdar fréttir