Fara í efni

Samtvinnað atvinnuflugnám (IATPL)

Hefurðu áhuga á að verða atvinnuflugmaður og geta starfað við atvinnuflug í Evrópu?

Samtvinnað atvinnuflugnám er mjög krefjandi og þarfnast mikils sjálfsaga og vinnu við að ná settu markmiði. Verkleg þjálfun fer fram samhliða bóklegum námskeiðum sem öllu þarf að vera lokið á 12-36 mánuðum. Að loknu námi öðlast þú samevrópskt atvinnuflugmannsskírteini, ásamt öllum þeim réttindum sem til þarf, til að geta starfað sem atvinnuflugmaður hjá evrópskum flugrekanda.

Allir flugtímar eru verkleg þjálfun sem fer fram með kennara, og útskrifast nemendur úr samtvinnuðu námi með að minnsta kosti 205 tíma, að flughermatímum og námskeiði í áhafnasamstarfi meðtöldum, þar af eru að minnsta kosti 100 blindflugstímar sem fara fram bæði í flughermum og í flugvélum.

Samtvinnað atvinnuflugnám er lánshæft hjá Menntasjóði námsmanna.

Inntökuskilyrði

Umsækjendur þurfa að:

  • Vera 18 ára á árinu
  • Hafa stúdentspróf eða sambærilegt nám að baki með að lágmarki þrjá áfanga í ensku (2. og 3. þrep), tvo áfanga í stærðfræði (2. þrep) og einn áfanga í eðlisfræði (2. þrep)*

    *Ef vantar áfanga til þess að standast inntökuskilyrði getur verið möguleiki að taka eðlisfræði-, ensku- og stærðfræðiáfanga af Fjarnámshlaðborði Menntaskólans á Ásbrú samhliða samtvinnaða atvinnuflugnáminu með ákveðnum skilyrðum.

  • Vera handhafi fyrsta flokks heilbrigðisskírteinis (1st class medical certificate) fluglæknis.
  • Vera með hreint sakavottorð og geta gengist við bakgrunnskoðun lögregluyfirvalda, vegna óheftar aðgangsheimildar inn á flugvallarasvæði Keflavíkur- og Reykjavíkurflugvallar. Nemanda ber að verða sér út um sakavottorð hjá viðkomandi lögregluembætti fyrir námið. Einnig má benda á að við lok náms getur Samöngustofa einnig krafist sakarvottorðs eða bakgrunnsskoðunar, vegna útgáfu á flugskírteini.
  • Erlendir þegnar frá landi utan EES (ESB) og/eða EFTA sem ætla að búa á Íslandi lengur en þrjá (3) mánuði verða að hafa gild dvalarleyfi. Fáðu nánari upplýsingar um dvalarleyfi og námsleyfi.

Bóklegt nám

Skólinn miðar að því að bjóða upp á úrvals kennslu, námsefni og stoðefni í staðnámi og afnot á Moodle kennslukerfi í undirbúningi fyrir hverja kennslustund. Skólinn notar einnig til þess nýjustu námstækni sem völ er á, þar á meðal markaðsleiðandi þjálfun sem byggir á námi í gegnum gagnvirkan tölvuhugbúnað, í samvinnu við CAE Oxford Aviation Academy. Gagnvirkt sjónrænt námsefnið auðveldar lærdóminn, þú getur séð dæmi hérna.

Bóknámið er yfir 920 klst. að lengd í staðnámi og skiptist í tvo hluta; BASIC grunnnám og ATPL ADVANCED framhaldsnám. Þú byrjar á grunnnámskeiði sem samanstendur af 9 bóknámsfögum og miða að því að veita nauðsynlega þekkingu fyrir fyrstu 3 stig flugþjálfunar. Eftir grunnnámskeiðið muntu fara í ATPL ADVANCED framhaldsnám (Airline Transport Pilot License) sem er bóklegt nám til réttinda atvinnuflugmannsréttinda, sem samanstendur af 14 mismunandi námsefnum.

Upplýsingar um aðstöðu

Verklegt nám

Verkleg flugþjálfun er skipt niður í fimm mismunandi áfanga (fasa), hvert þeirra með mismunandi verkefni en með stefnu á sama markmið — að veita þér nauðsynlega færni og þekkingu til að geta flogið sem atvinnuflugmaður með fjölhreyfla blindflugsréttindi og vottun í áhafnasamstarfi. Áætlunin samanstendur af flugtímum í flugvélum af gerðinni Diamond DA20, DA40 og DA42 NG, Piper PA44 Seminole og Technam P2002-JF flugvélum, ásamt flughermum af gerðinni ALSIM ALX og Diamond DA42 DSIM. Flugþjálfun er framkvæmd í 5 áföngum (fösum) og er skipulögð yfir allan námstímann, með bóknámi.

Öll flugþjálfun fer fram í flugvélaflota okkar sem eru af gerðinni;

  • Diamond DA20, DA40 og DA42 NG
  • Tecnam P2002-JF
  • ALSIM ALX og Diamond DSIM flughermar

Skoða flugflota

Sækja um