Frá skólameistara Menntaskólans á Ásbrú

Nám til stúdentsprófs með áherslu á tölvuleikjagerð í Menntaskólanum á Ásbrú hefur verið í undirbúningi hjá Keili í nokkur ár og tekur skólinn mið af sambærilegu námi erlendis. Um 40 nýnemar hefja nám við skólann í ágúst 2019.
 
Tölvuleikjageirinn er gríðarlega stór og það er mikil þörf í framtíðinni eftir fólki sem geti unnið við tölvuleikjagerð. Það er meira á bak við tölvuleikinn en marga grunar. Þegar að tölvuleikur er búinn til þá er í raun og veru verið að búa til nýjan heim. Þá erum við að tala um sögu, leikgerð, persónur, jafnvel gríðarlega mikil vinna á bak við hverja persónu, við erum að tala um ýmis konar tölvuúrvinnslu, ekki bara forritun en að sjálfsögðu líka forritun.
 
Nanna Kristjana Traustadóttir,
Skólameistari Menntaskólans á Ásbrú
Forstöðumaður Stúdentsbrauta Keilis