Keilir er alhliða menntafyrirtæki í eigu háskóla, fyrirtækja og almannasamtaka

Keilir var stofnaður vorið 2007. Skólinn hefur aðsetur á fyrrum varnarsvæði bandaríska hersins í Reykjanesbæ – sem nú kallast Ásbrú – og starfar sem stendur í fjórum skólum. Hver þeirra hefur sínar áherslur í samræmi við markmið Keilis að byggja á mikilvægi alþjóðaflugvallar og umhverfisvænum auðlindum en jafnframt að nýta þá þekkingu sem er til staðar í nærumhverfinu. Keilir er hlutafélag. Meðal eigenda eru Háskóli Íslands, Þróunarfélag Keflavíkurflugvallar, rannsóknarstofnanir, orku- og fjármálafyrirtæki, sveitarfélög, almenningssamtök, flugfélag og verkalýðsfélög.  

Met aðsókn er í nám hjá Keili árið 2011, en í þau fjögur ár sem Keilir hefur starfað hafa yfir 900 nemendur hlotið prófskírteini frá skólanum. Keilir starfrækir bæði námsbrautir á háskólastigi og framhaldsskólastigi. Skólanum er ætlað að fylla í eyður í skólakerfinu og vera í nánum tengslum við atvinnulífið – ekki síst þau fyrirtæki sem hasla sér völl á Ásbrú.

---

Á Háskóladeginum verða kynntar yfir 500 námsleiðir í öllum háskólum landsins. Keilir verður með kynningarbás í anddyri Háskólabíó, þar sem hægt verður hægt að kynnast BSc námi í tæknifræði, flugnámi og einkaþjálfun. Hægt verður að prófa flughermi Flugakademíu Keilis, nemendur úr tæknifræðinámi Keilis segja frá lokaverkefnum sínum, kynntar verða námsmannaíbúðir á Ásbrú, ÍAK einkaþjálfarar verða með þolmælingar og fleira. [Nánari upplýsingar hér]