Orku- og umhverfistæknifræði og mekatróník tæknifræði í Orku- og tækniskóla Keilis

---

Tæknifræðibrautir Háskóla Íslands og Orku- og tækniskóla Keilis

Orku- og tækniskólinn býður upp á nám í Orku- og umhverfistæknifræði (þar sem nemendur læra að hanna og þróa tækni til að beisla og nýta græna og endurnýjanlega orku) og Mekatróník (þar sem nemendur læra að hanna og smíða rafeinda- og tölvu- stýrðan búnað til að bæta gæði daglegs lífs fólks og að auka sparnað og hagkvæmni í rekstri fyrirtækja). Við bjóðum upp á:

• Fyrsta flokks rannsóknaraðstöðu í skapandi umhverfi frumkvöðla og fyrirtækja á Keilissvæðinu.
• Einstakt tækifæri til að vinna við þróunar- og nýsköpunar- verkefni og afla sér ómetanlegrar þekkingar.
• Menntun sem býr nemendur undir að takast skipulega á við krefjandi verkefni atvinnulífsins af sjálfstrausti og færni.
• BS gráðu til tæknifræði auk viðbótarnáms til að sækja um starfsheitið tæknifræðingur.

---

Rannsóknarsetur í orkufræðum

Verklegar æfingar og rannsóknir nemenda fara fram í rannsóknarsetri í orkufræðum hjá Orku- og tækniskóla Keilis. Rannsóknarsetrið er fyrsta flokks tilrauna- og rannsóknaraðstaða fyrir kennslu og rannsóknir í orku- og tæknifræðum.

Aðstaðan í Orku- og tækniskóla Keilis skiptist í fimm sérhæfðar rannsóknarstofur:

1. Efnafræðistofa
   Eldsneytistilraunir (vetni og fjölalkóhól)
   Efnagreining (hitaveituvatn, eldsneyti, olíur)
2. Mekatróníkstofa
   Mæli- og rafeindabúnaður
   Mótorar, tjakkar og iðntölvur
3. Varma- og straumfræðistofa
   Aflmælibúnaður, túrbínur (gufa/vatnsafl)
   Fullkominn vélastandur til rannsókna
4. Efnisfræðistofa
   Þreytuprófanir
   Tæringaprófanir
5. Smiðjustofa

---

Orku- og umhverfistæknifræði  

Orku- og umhverfistæknifræðinámið er þverfaglegt nám þar sem veitt er öruggt bakland í beislun og nýtingu jarðvarmaorku. Aðal- áhersla námsins er á jarðvarmaorku og að nemendur öðlist skilning á þeim tæknilegu atriðum sem tengjast því sem gerist bæði neðan og ofan yfirborðs jarðar. Beislun annarrar grænnar og endurnýjanlegrar orku verður einnig viðfangsefni námsins. Lögð er áhersla á að gera núverandi orkugjafa náttúruvænni og styðja við bakið á möguleikum Íslands til umhverfisvænnar framtíðar.

Námið miðast við að mennta fjölhæft tæknifólk sem er vel í stakk búið til að takast á við tæknilausnir framtíðarinnar og svara þeim spurningum sem munu koma upp við nýtingu á eftirfarandi grænum orkugjöfum:

• Jarðvarmaorku, t.d. borholutækni, orkuvinnslu og dreifingu
• Sjávarorku, t.d. sjávarföllum, straumum og öldum
• Efnaorku, t.d. efnarafölum og rafgeymum
• Óhefðbundnu eldsneyti, t.d. vetni og fjölalkóhóli
• Vind-, vatns- og sólarorku

Breið undirstaða verður veitt í borholutækni, nýtingu jarðvarma, orkuvinnslu, orkuumbreytingu og dreifingu. Einnig verður kennt hvernig á að hanna vélahluti og velja efni m.t.t. tæringar, slits og þreytu. Auk þess verður nemendum kennd rafmagnsfræði, viðhaldsstjórnun, rekstrarfræði og áhrif umhverfisþátta ásamt fleiri fögum sem eru mikilvæg í starfi orkutæknifræðinga.

---

Mekatróník

Tæknifræðinámið í mekatróník er þverfaglegt nám sem sameinar vél-, rafeinda- og hugbúnaðartæknifræði. Mekatróník kemur víða við í nútímatækni. Markmið skólans er að veita nemendum traustan grunn í þessum fræðum og búa þar með til ómissandi hlekki í sköpun og þróun framtíðartækni.

Undanfarin ár hefur verið vaxandi þörf fyrir tæknimenntað starfs- fólk sem getur bæði hannað og viðhaldið vélbúnaði búnum rafeinda- og hugbúnaðarstýringum. Sem dæmi um slíkan búnað má nefna vélknúin farartæki (bíla, mótorhjól, flugvélar og skip), vélbúnað í framleiðslufyrirtækjum (þjarka, flokkara og vogir), búnað í heilbrigðisgeirann (röntgenvélar, ómunartæki, hjartalínurit, gangráða og svefnmælingar), neytendavörur (myndavélar, þvotta- vélar, geisladiskaspilara og harða diska), gervilimi (hendur, hné og fætur) og margt fleira.

Meðal þess sem kennt verður eru: mælitækni til að ná upplýsingum úr umhverfinu, merkjavinnsla til að vinna úr upplýsingunum og stýritækni til að bregðast við upplýsingunum. Einnig verður kennt hvernig á að hanna vélarhluti, velja efni m.t.t. tæringar, slits og þreytu. Auk þess verður kennd rafmagnsfræði, rafeindafræði og önnur fög sem eru mikilvæg í starfi tæknifræðinga með sérhæfingu í mekatróník.

---

Starfssvið orku- og umhverfistæknifræðinga og mekatróník tæknifræðinga

Orku- og umhverfistæknifræði:

• Þróun og nýting jarðvarma, borholutækni og orkutengdra jarðvísinda.
• Þróun og nýting vetnis sem orkugjafa.
• Rannsóknir og uppsetning á búnaði fyrir nýtingu grænna orkugjafa á heimsvísu.

Mekatróník:

• Þróun tæknilausna fyrir sjávarútveg og heilbrigðisgeirann.
• Hönnun stýringa og rafeindabúnaðar.
• Mekatróník á þátt í að skapa tækni framtíðarinnar. Hér koma brautryðjendur og búa til sín eigin tækifæri.

---

Kennslan

Til að ná árangri er lögð áhersla á að taka við áhugasömum nemendum, kenna þeim grunnatriði tæknifræðinnar og tryggja skilning þeirra á námsefninu. Þetta næst með:

• Verkefnum sem eru byggð á raunverulegum viðfangsefnum.
• Verklegum æfingum til að staðfesta fræðin.
• Verklegum æfingum til að leyfa nemendum að prófa nýjar hugmyndir.
• Krefjandi keppnum á milli nemenda.
• Fyrsta flokks aðstöðu.

Menntun er hugarleikfimi, úrvinnsla upplýsinga og þrautseigja, ekki einföld viðtaka upp- lýsinga. Nemendur verða sjálfir að hafa áhuga á og bera sig eftir þeirri hagnýtu þekkingu og reynslu sem þeim býðst í náminu hjá Orku- og tækniskóla Keilis. 

---

Uppsetning námsins

• 80 ECTS einingar á ári í stað 60.
• Námslán allt árið.
• Sama námsálag.
• Styttri og hnitmiðaðri námskeið. 
• Námi lýkur fyrr.

Skemmri námstími þýðir fyrst og fremst að fólk kemst fyrr út í atvinnulífið með menntun og full réttindi.

Sérhæfing er góð en sá breiði bakgrunnur sem fæst með þverfaglegu námi í Orku- og tækniskóla Keilis veitir aðra sýn á lausn verkefna og gerir útskrifuðum nemendum okkar mögulegt að vinna sem sérfræðingar á þeim sviðum sem höfða til þeirra eða sem verkefnisstjórar þverfaglegra vinnuhópa.