Nálavindivél fyrir netagerðafyrirtæki

Sigurður Örn Hreindal
Sigurður Örn Hreindal

Sigurður Örn Hreindal er fæddur árið 1985 og leggur stund á mekatróník hátæknifræðinám Keilis og Háskóla Íslands.

Sigurður er að vinna að lokaverkefni sínu sem er um að hanna nálavindivél fyrir netagerðafyrirtæki. Í framtíðinni langar Sigurði að hanna og smíða vélar til dæmis í sínu eigin fyrirtæki.

Vörn Sigurðar er lokuð.

Mekatróník hátæknifræðinám Keilis og Háskóla Íslands

Námið í mekatróník hátæknifræði er þverfaglegt háskólanám þar sem veittur er sterkur grunnur í aðferðum sem nýta bæði rafeinda- og hugbúnað til að stjórna vélbúnaði. Nemendur læra meðal annars að hanna mekatrónísk kerfi, mæla og vinna úr mælingum til þess að stjórna vélbúnaði auk þess að læra nóga rafeindatækni til að geta búið til búnað til að mæla og vinna úr mælingum. 

Námið nýtist öllum sem vilja vinna við raf- og rafeindastýrðan vélbúnað, hvort sem er í orku-, framleiðslu- eða öðrum iðnaði. Undanfarin ár hefur verið vaxandi þörf fyrir tæknimenntað starfsfólk sem getur bæði hannað og viðhaldið vélbúnaði búnum rafeinda- og hugbúnaðarstýringum. Sem dæmi um slíkan búnað má nefna vélknúin farartæki (bílar, mótorhjól, flugvélar og skip), vélbúnað í framleiðslufyrirtækjum (þjarkar, flokkarar, vogir), búnað í heilbrigðisgeiranum (röntgenvélar, ómunartæki, hjartalínurit, gangráðar, svefnmælingar), neytendavörur (myndavélar, þvottavélar, geisladiskaspilarar og harðir diskar), gervilimi (hné og fætur) og margt fleira. 


Tengt efni