Lokaverkefni um sjálfbærar skolphreinsistöðvar í eyjasamfélögum

Gunbold G. Bold
Gunbold G. Bold

Gunbold G. Bold er fæddur árið 1984 og leggur stund á nám í orku- og umhverfistæknifræði Keilis og Háskóla Íslands. Lokaverkefni hans er um fýsileika þess að gera skolphreinsistöðvar í eyjasamfélögum sjálfbærar með því að nýta endurnýjanlega orku en það eru sennilega ekki allir sem vita að skolphreinsiferlið er afar orkufrekt kerfi sem gengur allan sólarhringinn. Samhliða náminu í Keili hefur Gunbold unnið við útgáfu Visitor's guide ferðamannabæklingana. 

Vörn Gunbolds verður 5. júní kl 12:30.

Orku- og umhverfistæknifræði Keilis og Háskóla Íslands

Námið í Orku- og umhverfistæknifræði hjá Keili er þverfaglegt háskólanám og snýst um orku og umhverfisþætti. Aðal áhersla námsins er jarðvarmaorka og, í tengslum við hana, að nemendur öðlist skilning á þeim tæknilegu atriðum sem tengjast því sem gerist bæði neðan sem og ofan yfirborðs jarðar. Beislun annarrar grænnar og endurnýjanlegrar orku eins og sólar-, vind-, sjávar- og efnaorku verður einnig viðfangsefni námsins.

Orkugeirinn hefur verið í miklum vexti undanfarin ár, og gera má ráð fyrir að mikil tækifæri verði í þeim geira á næstu árum. Vaxandi þörf hefur verið fyrir tæknimenntað starfsfólk til starfa við undirbúning og mat verkefna, hönnun, framkvæmdir, eftirlit, rekstur og viðhald. Í þessi störf hentar starfsfólk með þverfaglegan bakgrunn í orkufræðum, jarðvísindum ásamt vél-, rafeinda- og hugbúnaði. 


Tengt efni