Göngugreining á koltrefja gervifæti

Skarphéðinn Ölver Sigurðsson
Skarphéðinn Ölver Sigurðsson

Skarphéðinn Ölver Sigurðsson er fæddur árið 1978 og leggur stund á mekatróník hátæknifræði. Í haust ætlar Skarphéðinn að fara í framhaldsnám við Sønderborg háskólann í Danmörku í mekatróník. Skarphéðinn er með einkaflugmannspróf en draumastarf hans er að vinna við hönnun á mekatrónískum búnaði.

Lokaverkefni Skarphéðins snýr að því að gera göngugreiningu á koltrefja gervifæti með rauntíma sveigju-skynjara.

Vörn Skarphéðins er lokuð. 

Mekatróník hátæknifræðinám Keilis og Háskóla Íslands

Námið í mekatróník hátæknifræði er þverfaglegt háskólanám þar sem veittur er sterkur grunnur í aðferðum sem nýta bæði rafeinda- og hugbúnað til að stjórna vélbúnaði. Nemendur læra meðal annars að hanna mekatrónísk kerfi, mæla og vinna úr mælingum til þess að stjórna vélbúnaði auk þess að læra nóga rafeindatækni til að geta búið til búnað til að mæla og vinna úr mælingum. 

Námið nýtist öllum sem vilja vinna við raf- og rafeindastýrðan vélbúnað, hvort sem er í orku-, framleiðslu- eða öðrum iðnaði. Undanfarin ár hefur verið vaxandi þörf fyrir tæknimenntað starfsfólk sem getur bæði hannað og viðhaldið vélbúnaði búnum rafeinda- og hugbúnaðarstýringum. Sem dæmi um slíkan búnað má nefna vélknúin farartæki (bílar, mótorhjól, flugvélar og skip), vélbúnað í framleiðslufyrirtækjum (þjarkar, flokkarar, vogir), búnað í heilbrigðisgeiranum (röntgenvélar, ómunartæki, hjartalínurit, gangráðar, svefnmælingar), neytendavörur (myndavélar, þvottavélar, geisladiskaspilarar og harðir diskar), gervilimi (hné og fætur) og margt fleira. 


Tengt efni